प्रदेश सरकार असफल भएकै हो : मेयर बरबरिया

न्यूज ब्यूरो, जनकपुरधाम । धनुषाको शहिदनगर नगरपालिकाका मेयर उदय कुमार बरबरिया (यादव) ले प्रदेश नं. २ का सरकार कोरोना रोकथामको लागि गरिने प्रयासमा चुकेको प्रतिक्रिया दिएका छन् ।

न्यूज ब्यूरोको अधिकारिक फेसबुक पेजबाट युथ एड्भोकेसि नेपाल, कायापलट र ओरेक नेपालको संयुक्त आयोजनामा गरिएको सँवाद कार्यक्रममा मेयर बरबरियाले प्रदेश सरकार असफल भएको बताएका छन् ।

उनले प्रदेश सरकारको काम सहजिकरणमा नभएको बताउँदै सरकार अहिलेसम्म पनि स्थानीय तहसंग सहज समन्वय गर्न नसकेको आरोप लगाए ।

उनले आफ्नो नगरपालिकामा सुरुवाती अवस्थामा जिल्लामै कुशलपूर्वक क्वारेन्टाइन व्यवस्थापन गर्न सक्षम भएको बेला प्रदेश सरकारले समयमा स्वाब सँकलन, आरडीटि चेकअप नगरिदिएपछि अवस्था बाध्यतावश बिग्रेको आरोप लगाए ।

प्रदेश सरकार, स्थानीय प्रशासनलाई बारम्बार क्वारेन्टाइनमा २ हप्ता देखि ३ हप्ताबढी सम्म बसेकाहरुलाई कम्तीमा स्वाब सँकलन गरिदिन आग्रह गरेपछि प्रदेश सरकार त्यसमा असक्षम भएको बताए ।

नागरिकता विद्येयकको प्रसँगमा मयर बरबरियाले आफ्नो पार्टी नेकपा नागरिकताको विपक्षमा रहेपनि आफू मधेशी जनताको पक्षमा रहेको बताएका छन् ।

भर्चुअल सँवादको क्रममा बहस कार्यक्रमको संयोजक दिवाकर उप्रेती र अजय कुमार बरबरियाले मोडरेट गरेका थिए ।

सो क्रममा प्रदेश सरकारको तर्फबाट आन्तरिक मामिला तथा कानुनमन्त्री ज्ञानेन्द्र कुमार यादवले कोरोना रोकथाम तथा व्यवस्थापन सम्बन्धमा प्रदेश सरकार तत्पर रहेको दाबी गरेका थिए ।

उनले क्वारेन्टाइन व्यवस्थापन सहित अन्य कार्यमा प्रदेश सरकार अग्रसरता देखाएपनि केन्द्र सरकारको दोहोरो चरित्र र नीतिका कारण सहज रुपमा काम गर्न नदिएको आरोप लगाए । मन्त्री यादवले कोरोना रोकथामको लागि प्रदेश सरकार अझै सक्रियता देखाएको दाबी गरे ।

यसका साथै उनले लैङिग हिँसा, घरेलु हिँसा सहित विभिन्न अपराधिक क्रियाकलापलाई न्यूनिकरणको लागि प्रदेश सरकारले नयाँ नीति ल्याउन लागेको बताएका थिए ।

“कोरोना रोकथाममा स्थानीय तथा प्रादेशीक जनप्रतिनिधिको भुमिका” विषय समसामयिक विषयवस्तु उत्थान गरेको कार्यक्रम प्रस्तोता अजय बरबरियाले जानकारी गराएका छन् ।

यादवका अनुसार, सो कार्यक्रममा आज अतिथिमा प्रदेश २ का प्रदेश सांसद डा. रिना यादब यादबले क्वारेन्टाइनमा महिलाको सुरक्षाका कुरा अपनाउन प्रदेश सरकारलाई ध्यानाकर्षण गराइन ।

उनले भारत देखि आएको नेपाली जनताको पक्षमापनि काम गर्न सरकारले भूमिका खेल्न पर्ने जिकीर गर्दै ईम्यूनिटी सम्बन्धी प्रधानमन्त्रीकै अभिव्यक्तिमा साथ पनि दिइन् ।

उनले नेपालिको इम्युनिटि सिस्टम राम्रो रहेको जीकिर गरिन् । कोरोना सम्बन्धि औषधिमा पनि तत्कालीन अवस्थामा कुन औषधिमात्र प्रयोग गर्न भन्ने कुरा पत्र पत्रिका तथा टिभिको माध्यमबाट सुचना फैलाउन पनि आग्रह गरिन् ।