नदी उत्खनन गरी नगरपालिकाले उठाएको राजस्व पारदर्शी हुनुपर्छ : नेकपा

न्यूज ब्यूरो, जनकपुरधाम । धनुषाको विभिन्न खोलाहरुबाट अवैद्य रुपमा उत्खनन हुँदै आएकोप्रति नेपाल कम्युनिष्ट पार्टीका नेता तथा कार्यकर्ताहरुले हिसाब सार्वजनिक गर्न माग गरेका छन् ।

मँगलबार धनुषाधाको धनुषाधाम नगरपालिकामा ज्ञापन पत्र बुझाउँदै नेकपामा युवा नेताहरुले विभिन्न समयमा बालुवा, गिट्टी उत्खनन वापत उठाएको राजस्व सार्वजनिक गर्न माग गरेका छन् ।

नदीहरुबाट बालुवा गिट्टी उत्खननको ठेक्का म्याद समाप्त भइसकेपनि बालुवा गिट्टी उत्खनन गरेको भन्दै त्यसको ओसारीको बीलको प्रतिलिपीहरु समेत सार्वजनिक गर्नुपर्ने अडान राखेका छन् ।

ज्ञापन पत्र बुझाउँदै नेकपाका कार्यकर्ताहरुले स्थानिय निर्वाचन देखि हाल सम्मको आयव्यय समयमा सर्वजानिक नगरेको भन्दै सार्वजनिक सुनुवाई गरी हिसाब सार्वजनिक गर्न माग गरेका छन् । \\\\

यसका साथै, समाजिक सुरक्षा भत्ता हाल सम्म पनि समयमा उपलब्ध नगराएको, धनुषाधाम नगरपालिकाको कार्यालय भवन हाल सम्म किन निर्माण हुन नसकेको, बालुवा गिट्टीको ठेक्का लाग्नु भन्दा पहिलेको नगरपालिकाले उठाएको राजस्व सार्वजानिक गर्नु पर्नेमा अहिले सम्म नगरेको, धनुषाधाम मेला, हाट बजार तथा आन्तिरिक स्रोतबाट आएको र‌कम आय व्यय सर्वजानिक गर्नु पर्ने, धनुषाधाम नगरपालिका भित्र नेपाल सरकारको स्वामित्वमा रहेको जग्गा नगर प्रमुखको संरक्षणमा हिना मिना भइरहेकोले सो जग्गा रोक्का गरी संरक्षण गर्नु पर्ने, धनुषाधाम नगरपालिकाको सवारीसाधनहरु अनावश्यक रुपमा दुरुपयोग रोकिनु पर्ने जस्ता १५ बुँदे मागहरु अघि सार्दै ईलाका प्रहरी कार्यालय धनुषाधाम, प्रमुख प्रशासकीय अधिकृत धनुषाधाम, सशस्त्र वेश कयाम्प सर्सा, जिल्ला समन्वय समितिलाई बोधाद्र्य गरी ज्ञापन पत्र बुझाएको हो ।