कोरोनाबाट लडन पनि योग गरौं : वक्ताहरु

न्यूज ब्यूरो, सिरहा । आज (आईतबार) छैठौं अन्तराष्ट्रिय योग दिवस आज आइतबार विश्वभरि विभिन्न कार्यक्रम गरी मनाइएको छ ।

सोही क्रममा सिरहाको मिर्चैयामा पनि विभिन्न कार्यक्रमहरु गरी योग दिवस मनाइएको छ । सो क्रममा वक्ताहरुले महामारीसँग लडन योग पनि एक माध्यम भएको बताएका छन् ।

प्रत्येक वर्ष जुन २१ तारिखका दिन मनाइने अन्तराष्ट्रिय योग दिवसको अवसरमा मानव जीवनलाई स्वस्थ्य र स्फूर्त रहन तथा रोगबाट मुक्ति पाउने साधनाको रुपमा अन्तराष्ट्रिय योग दिवस मनाइएको हो ।

योग दिवस सिरहाको मिर्चैयामा पनि दीप प्रव्जलन र योग कार्यक्रम गरी मनाइएको छ । विश्वव्यापी रुपमा फैलिएको कोरोनाभाइरसको महामारीका कारणले यो वर्ष सामाजिक दुरी कायम गरी यो दिवस मनाइको छ ।

जिल्ला सिराहको मिर्चैया नगरपालीका वडा नं ७ स्थित पतञ्जली योग समिति धर्मशालाको प्राङ्गणमामा कार्यक्रम सम्पन्न गरेका छन् । कोरोना भाइरस विरुद्ध लड्नका लागि पनि फरक–फरक तरिकाबाट योग गर्न सकिने भएकाले योगको आकर्षण बढ्दै गएको छ ।

योग शिविरमा पतञ्जली योग समिति मिर्चैयाका अध्यक्ष अकल्देव सिंहले योग प्रशिक्षण दिएका थिए । साथै वहाँले ५ दिन सम्म योग कार्यक्रम हुने बताएको छ।

कोरोना भाइरस अभ्यासमा काम गर्दै आएका पतञ्जली योगपीठ लगायतका संघ–संस्थाले सार्वजनिक गरेको छन् । योग गुरुहरुले ‘योग गरौं निरोग रहौं’, ‘कपालभाती जीवनसाथी’ र ‘विश्व योग दिवस सफल पारौं’ लगायतका नारा लगाएका थिए ।

पतञ्जली योग समिति मिर्चैयाका अध्यक्ष अकलदेव सिंह, योग समिति मटियर्वाका अध्यक्ष पशुपति यादव, योग समिति मिर्चैयाका उपाध्यक्ष भरत महासेठ, सल्लाहकारहरु प्रदीप तिवारी, रामनाथ यादव, उमानाथ महतो र सिकिया यादव, सदस्यहरु किशोरी साह, रामप्रताप यादव, प्रमोद साह, रिना ठाकुर लगायत अन्य संस्थाका विशिष्ट व्यक्तित्व, विभिन्न विद्यालयका छात्रछात्रा, शिक्षक, स्थानीय व्यापारी, युवा, युवती, गृहणी, बुद्धिजीवी, नागरिक समाज, स्थानीयबासी, संचारकर्मी लगायतका उल्लेखनीय सहभागिता रहेको थियो ।