जनकपुरका सैलुन व्यावसायीहरु आन्दोलित

न्यूज ब्यूरो, जनकपुरधाम । लकडाउनका कारण आफहरुको व्यापार चौपट्ट भएको भन्दै जनकपुरका सैलुन व्यवासायीहरुले सैलुन खोल्न दिनुपर्ने माग गर्दै आन्दोलित भएका छन् ।

झण्डै ३ महिना लकडाउनको लामो अवधीको बाबजुद सबै पसलहरु खोलिएपनि सैलुनहरु मात्र नखोलिएको भन्दै नेपाल नाई ट्रेड युनियनले आज जिल्ला प्रशासन कार्यालय धनुषा मार्फत ज्ञापन पत्र बुझाएको छ ।

लकडाउन अवधिभरको कोठा भाडा र पसल भाडा छुटको व्यवस्था हुनुपर्ने, बैंक तथा सहकारी संस्थाबाट लिएको नाई श्रमिकहरुको ऋणको ब्याज मिनहा हुनुपर्ने माग गरेका छन् ।

साथै सरकारबाट सम्पूर्ण सैलुनहरुमा काम गर्ने श्रमिकहरुलाई अनिवार्य रुपमा मास्क,सेनिटाईजर,पीपीई ड्रेस,ग्लवसलगायतका सुरक्षा सामग्रीहरु उपलब्ध गराईदिन समेत अनुरोध गरेका छन् ।

कोरोना महामारीका कारण नाई श्रमिकहरु बढि प्रभावित भएकाले परिवारको खर्च जुटाउन कठिनाई भएको भन्दै सहज रुपमा नियमत तहत भएपनि सैलुन खोल्न दिनुपर्ने माग अघि सारेको हो ।

नेपाल नाई ट्रेड यूनियनका नगर अध्यक्ष शिवनाथ ठाकुरले अन्य व्यावासयमा सहजीकरण भएपनि आफूहरुसँग सहजीकरण प्रशासनले नगरको भन्दै सहजताको लागि अपिल गरिएको बताए ।

उनीहरुले आफुहरुलाई क्षतिपूर्ती सहित सैलुन खोल्ने वातावरण बनाईदिन सामाजिक विकास मन्त्रालय र जिल्ला प्रशासन कार्यालयमा ज्ञापनपत्र समेत बुझाएका छन् ।

लकडाउनको समयमा नाई श्रमिकहरुले राज्यको तर्फबाट परिवारको खर्च जुटाउन समस्या उत्पन्न भएको नेपाल नाई ट्रेड यूनियन धनुषाका सदस्य अजित ठाकुरले बताए ।

दैनिक व्यवसाय सञ्चालन गरि बिहान र बेलुका आफ्नो गुजारा चलाउने नाईहरु अहिले लकडाउनको कारणले गर्दा बिहान बेलुका छाक टार्न समस्या भएको बताइएको छ ।