बैदेशिक रोजगारी विभागको जबरजस्ती, ५ लाख धरौटी राखेर नविकरण गर्नैपर्ने

न्यूज ब्यूरो, जनकपुरधाम । वैदेशिक रोजगार विभागले नगद ५ लाख धरौटी राखेर नविकरण प्रक्रिया शुरु गर्न भनेपछि सँस्थाबालाहरुले यसलाई जबरजस्ती गरेको आरोप लगाइएको छ ।

विभागले अभिमुखीकरण तालिम प्रादायक संस्थाहरुलाई ५ लाख रुपैयाँ धरौटी राखेर नविकरण गर्ने पत्र काटेपछि काठमान्डौं बाहिर रहेका तालिम प्रादायक सँस्थाबालाहरुलाई कठिनाई भएको छ ।

विभागले एक सूचना जारी गरी वैदेशिक रोजगार सम्बन्धित काम गर्ने सबै संस्थाहरुलाई नविकरण प्रक्रिया शुरु भएको जनाउंदै तालिम प्रादायक संस्थाहरुलाई अनिवार्य ५ लाख नगद धरौटी राख्न अनुरोध गरेको हो ।

यससँगै प्रदेश नं. २ मा रहेको १७ वटा तालिम प्रादायक सँस्थाका प्रतिनीधिहरुले नविकरण गर्नको लागि काठमान्डौं जानुपर्ने भएपनि पास नदिँदा समस्या उत्पन्न भएको जनकपुरको जीवनदीप ओरेन्टेशन एन्ड ट्रेनिङ्ग सेन्टर प्रा लि र ह्वाईट हिल्स रिसर्छ एन्ड कसलटेन्सी प्रा लिका सँचालक जय प्रकाश यादवले दुःखेसो पोखे ।

सरकारले वैदेशिक रोजगार नियमावली संसोधन गर्दै तालिम प्रदायक संस्थाको हकमा ५ लाख नगद धरौटी राख्नुपर्ने व्यवस्था गरेको थियो ।

तालिम प्रदायक संस्थाले अब नवीकरण गर्दा अनिवार्य रुपमा नगद धरौटी बुझाएको भरपाई पेश गर्नुपर्ने विभागले जनाएको छ । कोरोना महामारीका कारण हाल वैदेशिक रोजगार ठप्प छ जसका कारण अहिले तत्काल नगद धरौटी राख्न समभव नभएकोले धरौटी राख्ने समय थप गरिदिन तालिम प्रयादक व्यवसायीहरुले माग गर्दै आएका छन् ।

एउटा मात्र बुँदा थप गरिदिन विभागसँग अभिमुखिकरण व्यवासायी महासँघका अध्यक्ष राजराम गौतमले गुहार लगाएपनि विभागले नसुनिदिएको बताइएको छ ।

व्यावसायीहरुको हकहित को लागी ५ लाख रुपैयाँ धरौटी रकमको केहि समयलाई पर सारीदिनको लागि लाई मन्त्रालय र बिभागमा दौड्दा दौड्दै हैरान भईसकेको भएपनि विभागले अनसुना गरेको आरोप लगाएको छ ।

बैदेशिक रोजगार विभाग बुद्धनगर काठमान्डौंले धरौटी राख्न सिमिति समय दिएपनि जनकपुरबाट वा अन्य जिल्लाबाट काठमान्डौं जानको लागि नागढुँगाबाटै रोकेर फर्काइदिएपछि थप कठिनाई भएको सँचालक यादवले गुनासो गरे ।

उनले भने, –“काठमान्डौं जान हामी तयार छौं यस्तो अवस्थामा पनि , तर यहाँबाट गएपछि नागढुँगासम्म जान पनि पास खोजिरहेको छ , झन काठमान्डौं पुग्नको लागि पनि पिसिआर र पास खोजिरहेको छ । अब कसरी जाने, कसर बुझाउने धरौटी ? यस्तोमा विभागले धरौटी रकम बुझाउने समय पर सार्नुको अन्य कुनै विकल्प छैन । कि त विभागले परिचयपत्रको आधारमा सहजता प्रदान गरिदिनुपर्छ ।”

विभागले इजाजतपत्र प्राप्त संस्था(म्यानपावर) हरु, अभिमुखीकरण तालिम प्रादायक संस्थाहरु, सीपमूलक तालिम प्रदायक संस्थाहरु, घरेलु कामदारलाई तालिम दिने संस्थाहरु र केयर गिभर सम्बन्धि तालिम दिने र पठाउने संस्थाहरुलाई नविकरणको लागि सूचना जारी गरेको हो ।

विभागको सूचनामा–“वैदेशिक रोजगार सम्बन्धि प्रचलित कानून बमोजिम स्थापना भई विभागबाट ईजाजतपत्र प्राप्त गरेका सनास्थाहरुलाई वैदेशिक रोजगार ऐन, २०६४, वैदेशिक रोजगार नियमावली, २०६४ र सम्बन्धित निर्देशिका एवम् कार्यविधि बमोजिम मिति २०७७ असार मसान्तभित्र सम्बन्धित कानूनमा उल्लेख भए बमोजिमको नवीकरण दस्तुर र तोकिएका कागजातपत्रहरु संलग्न गरी नविकरंका लागि निवेदन आव्हान गरिएको छ ।”

वैदेशिक रोजगार विभागमा नविकरणका लागि जाने सेवाग्राहीहरुले अनिवार्य रुपमा मास्क लगाउनुपर्ने, रीतपूर्वक सबै कागजात सहित फाइलमा संस्थाको नाम, संचालकको नाम र सम्पर्क नम्बर उल्लेख हुनुपर्ने नियम छ ।

नवीकरणका लागि जानेहरुले संस्थाबाट परीचय पत्र सहित अख्तियारी लिएर एक जना मात्र उपस्थित हुनुपर्ने समेत जनाएको छ ।