स्वास्थ्यकर्मीलाई समाग्री किन्न मुक्तिनाथ विकास बैंकको सहयोग

न्यूज ब्यूरो, जनकपुरधाम । जनकपुरको मुक्तिनाथ विकास बैंक (जनकपुर शाखा) ले स्वास्थ्यकर्मीहरुलाई स्वास्थ्य समाग्री खरिद गर्न आर्थिक सहयोग गरेको छ ।

बैंकको जनकपुर शाखाले आज (मँगलबार) कोरोना भाइरसको सँक्रमणको अवस्था र यस अवस्थामा पनि अग्रपन्तीमा रहेर निरन्त कार्य गरिरहेको भन्दै सहयोग स्वरुप ५० हजार रुपैयाँ सहयोग गरेको हो ।

उक्त सहयोग रकम नेपाल चिकित्सक संघ जनकपुरधाम शाखालाइ हस्तान्तरण गरिएको छ।

मुक्तिनाथ विकास बैंकका क्षेत्रिय प्रबन्धक प्रभाष झाका अनुसार अहोरात्र संक्रमितहरुसित प्रत्यक्ष सम्पर्कमा रहदा कोरोना भाइरस सङ्क्रमणको उच्च जोखिमा हुने भएकोले सुरक्षा उपाय हेतु सहयोग गरिएको हो ।

कोभिड – १९ ले आम विश्व समुदायलाई त्रसित बनाइरहेको अवस्थामा नेपाल र नेपाली स्वासथ्यकर्मीहरुको भूमिका अथक रहेको भन्दै सुरक्षा समाग्री किन्नको लागि सो रकम सहयोग गरिएको प्रबन्ध झाले बताए ।

उच्च जोखिममा रहेको घडीमा योगदानबाट यो भाईरस विरुद्व लड्न थप प्रेरणा र सहयोग हुने विश्वास बैंकले लिएको झाले बताए ।

बैंकले स्थापनाकाल देखि नै दैवी तथा अन्य विपत्तीको अवस्थामा आफनो सामाजिक उत्तरदायित्वलाई प्राथमिकतामा राखेर विभिन्न कार्यहरुमा सहयोग गर्दै आएको छ । आगामी दिनहरुमा समेत यस्तो सहयोग लाई निरन्तरता दिँदै जाने बताइएको छ ।