सरिता गिरीलाई पार्टीबाट निष्कासन गरिएको छैन : सचेतक अरगरिया

न्यूज ब्यूरो, जनकपुरधाम । जनता समाजवादी पार्टीकी सरिता गिरीलाई पार्टीको साधारण सदस्य समेतबाट हटाउने समाचार अफवाह मात्र भएको बताइएको छ ।

जनता समाजवादी पार्टीका प्रमुख सचेतक उमा शंकर अरगरियाले साँसद गिरिलाई पार्टीबाट निष्कासन गरिएको तथ्य हल्ला र अफवाह मात्र भएको बताएका छन् ।

समाजिक सँजालहरुमा गिरीलाई पार्टीबाट साधारण सदस्य समेत नरहने गरी पार्टीले हटाएको जिज्ञासामा सचेतक अरगरियाले पार्टीबाट हटाउनको लागि पार्टीको बैठक बस्नुपर्ने भएकोले त्यस्तो केही नभएको प्रतिक्रिया दिएका छन् ।

उनले भने,–“पार्टीबाट एक साँसदलाई हटाउने निर्णय मजाक होइन, र त्यतिकै सहज पनि छैन । पार्टीको बैठक बसेर त्यस्तो निर्णय गर्ने हो । एक पत्रको आधारमा यसरी हुनै सक्दैन । मलाई पार्टीको बैठकबारे पनि थाहा छैन र हटाइएको बारे पनि थाहा छैन , अब भित्रका कुन नेताहरुले त्यस्तो अफवाह फैलाएको छ मलाई त्यो पनि थाहा छैन ।”

कालापानी, लिपुलेख र लिम्पीयाधुरा सहितको नक्सा सम्बन्धी विद्येयक सँसदमा राखिएपछि गिरीले भारतसँग कुरा गरेर मात्र नक्सा सार्वजनिक गरी देशहितमा हुने तथा विद्येयकको विपक्षमा उभिएपछि उनलाई पार्टीले फिर्ता लिन निर्देशन दिएको थियो ।

तर, गिरीले त्यो फिर्ता नलिएर सँसदबाट बाहिरिएपछि समाजिक सँजालमा उनी उपर नाकारात्मक टिकाटिप्पणी गर्नुको साथै पार्टीबाट निस्काषित गरिएको कुरा अफवाह फैलाइएको हो ।