सिरहाः मारुती सिमेन्टको प्लान्टबाट लडेर एक जनाको मृत्यू !

न्यूज ब्यूरो, जनकपुरधाम । प्रदेश नं. २ को सिरहा जिल्लाको चोहर्वामा रहेको मारुती सिमेन्टका एक जनाको लडेर मृत्यू भएको छ ।

नयाँ बन्दै गरेको प्लान्टबाट खसेर एकजना मजदुरको मृत्यु भएको ईलाका प्रहरी कार्यालय मिर्चैयाले जनाएको छ ।

मारुती सिमेन्टको नयाँ बन्दै गरेको प्लान्टको निर्माणाधीन संरचनामा काम गरिरहेका भारतको गुवाहाटीका महर अलीको लडेर मृत्यु भएको प्रहरीले जनाएको छ ।

४० फिट अग्लो नयाँ प्लान्टको प्रि–हिटरबाट खसेर गम्भीर घाइते भएका अलीको कर्जन्हाको फुलकुमारी मेमोरियल अस्पतालमा उपचारको क्रममा मृत्यु भएको इलाका प्रहरी कार्यालय मिर्चैयाले जनाएको छ ।

मृतक अलिको शवलाई पोष्टमार्टमको लागि जिल्ला अस्पताल सिरहा पठाइएको जनाइएको छ ।