सर्वसाधारण कुटने प्रहरीलाई कारवाही गर्नुपर्छ : युथ एक्सन फोर्स

न्यूज ब्यूरो, जनकपुरधाम । जनकपुरमा विहिबार प्रहरीले सर्वसाधारण कुटेपछि कारवाहीको माग गरिएको छ ।

युथ एक्सन फोर्स जनकपुरका सँयोजक प्रशान्त झाले एक प्रेस विज्ञप्ति जारी गर्दै सर्वसाधारणलाई अनाहकमा निर्घात कुटपिट गर्ने प्रहरीले यातनाको सबै हद पार गरेको बताएको छ ।

जनकपुरका व्यापारीहरुले लकडाउन निरन्तर पालना गर्दै आएकोमा विहिबार स्थानीय गीता कस्टमेटिक पसलका सँचालकलाई निर्घात कुटपिट गरेपछि उनीहरुले विरोध जनाएका हुन् ।

“जनकपुरधामको जानकी मंदिर देखी जनकचौक जाने बाटोमा गिता गिफ़्ट हाउसको संचालक श्याम चौधरी तथा उनकामाथि नेपाल प्रहरीद्वारा पसल बन्द गर्ने क्रममा भएको विवादले प्रहरीले गरेको अमानवीय व्यबहार , निरघात कूटपिट र दमनको भत्सना गर्दै र तत्काल छानवीन गरी दोषी प्रहरी माथि कारवाहीको माँग गर्दछौं ।” – प्रेस विज्ञप्तिमा उल्लेख छ ।

यसका साथै, विहिबारको सो घटना मानव अधिकार हननका साथ साथै नेपालको संबिधान धारा २२ “यातना विरुद्धको हक” र अंतरष्ट्रिया संधि ठहर गर्दै कारवाहीको माग गरेको छ ।

दोषीलाई कारवाहीके दायरामा नल्याए आन्दोलनमा जाने चेतावनी समेत सँयोजक झाले दिएका छन् ।