स्वः राजा वीरेन्द्रको सम्झनामा जनकपुरको राजदेवीमा दीप प्रज्वलन

न्यूज ब्यूरो, जनकपुरधाम । गत वि.सं. २०५८ साल जेठ १९ गते भएको दरबार हत्याकाण्डमा हत्या गरिएका स्वः राजा (त्यतिबेला) वीरेन्द्र तथा उनको परिवारलाई जनकपुरमा सम्झना गरिएको छ ।

दरबार हत्या काण्डको १९ वर्ष पुरा हुँदा जनकपुरको राजदेवी मन्दिरमा दीप प्रज्वलन गरिएको हो । वीरेन्द्रको वंश नास हुने गरी भएको दरबार हत्या काण्डको सम्झनामा जनकपुरका युवाहरुले दीप प्रज्वलन गरी श्रद्धाञ्जली दिएका छन् ।

दरबार हत्या काण्ड भएपछि देशले विभिन्न चरण भोगेको भन्दै भएपनि राजा बिरेन्द्रलाई जनताले हालसम्म पनि असल ब्यक्तित्व भएका राजाका रुपमा सम्झिने गरेको बताएका छन् ।

स्वर्गीय राजा र उनको परिवारिक तस्वीरमा महाबिर युवा कमिटीका सदस्यहरुले दिप प्रज्वलन गरि श्रद्धाञ्जली अर्पण गरेका छन् ।

उक्त कार्यक्रम मा मोहन कुमार साह, गणेश कुमार सह, प्रदीप बस्नेत, दिलिप साह,बिरेन्द्र साह,राजिब साह, बिजय साह रबि कुमार शर्मा आदि युवाहरुले दीप प्रज्वलन गरेका थिए ।