गैर आवासीय मधेशी संघ यूएईका उपाध्यक्ष ई. जयसवाललाई मातृशोक

न्यूज ब्यूरो, युएई । विदेशमा छरिएर रहेका मधेशी समुदायको छाता सँगठन गैर आवासीय मधेशी संघ युएईका उपाध्यक्ष राकेश जयसवाललाई मातृशोक परेको छ ।

धनुषाको सबैला नगरपालिका वडा नं. ३ बस्ने जयसवालकी आमाको ६५ वर्षको उमेरमा निधन भएको हो ।

जनकपुरधाम उपमहानगरपालिका वडा नं. २ बस्दै आएका उनकी आमाको उपचारको क्रममा टिचिँग हस्पिटल काठमान्डौंमा निधन भएको जनाइएको छ ।

केही दिनदेखि विरामी परेकी उनकी आमा जयमाला देवी जयसवालको उपचार टिचिँगमा भइरहेको थियो । उनको २०७७ साल जेठ १२ गते सोमबार निधन भएको हो ।

उपाध्यक्ष जयसवाललाई मातृशोक परेपछि गैर आवासीय मधेशी संघका अन्तराष्ट्रिय अध्यक्ष ईन्जिनीयर बसन्त कुशवाहा , संघका युएई अध्यक्ष सँजय कर्ण सहितका अन्य पदाधिकारीहरुले शोक व्यक्त गरेका छन् ।