जनकपुरः ट्रयाक्टरको ठक्करले एक महिलाको घटनास्थलमै मृत्यू  !

न्यूज ब्यूरो, जनकपुरधाम । धनुषामा एक महिलालाई ट्रयाक्टरलाई ठक्कर दिदा घटनास्थलमै मृत्यू भएको छ ।

धनुषाको सबैला नगरपालिका वडा नं. १२ रघुनाथपुरमा आज साँझ ट्रयाक्टरले ठक्कर दिँदा उनको घटनास्थलमै मृत्यू भएको प्रहरीले जनाएको छ ।

सबैला र रघुनाथपुरको बीचमा रहेको सशस्त्र बेस क्याम्प नजिक साँझ करिब ७ः३० बजेको समयमा अनटेस्ट (नम्बर नभएको) ट्रयाक्टरले ठक्कर दिएपछि स्थानीय ४२ बर्षिय सुमित्रा देवी साह तेलीको मृत्यू भएको हो ।

साँझ आएको हावाहुरीबाट बच्नको लागि खेतबाट घरतर्फ भाग्दै गर्दा अँध्यारोमा ट्रयाक्टरले ठक्कर दिएको बुझिएको छ । उनको घटनास्थलमै मृत्यू भएको बताइएको छ ।

ईलाका प्रहरी कार्यालय सबैलाका अनुसार तीव्र गतिमा रहेको ट्रयाक्टरले तेलीलाई ठक्कर दिएको थियो ।

ठक्कर दिने ट्रयाक्टर चालक सबैला नगरपालिका वडा नं. १२ बरकुरबा बस्ने अन्दाजी वर्ष २२ का शम्भु सदा प्रहरीको नियन्त्रणमा रहेको जनाइएको छ ।

मृतक तेलीको शवको पोष्टमार्टमको लागि जनकपुरको प्रादेशिक अस्पताल ल्याइएको जनाइएको छ । भोली पोष्टमार्टमपछि शव परिवारजनलाई जिम्मा लगाउने बताइएको छ ।