पसलमा बसिरहेको बेला टाउकोमा ढुँगा प्रहार !

न्यूज ब्यूरो, सर्लाही । सर्लाहीमा आफ्नै पसलमा बसिरहेको बेला एक जना पुरुष उपर ढुँगा प्रहार गरी गम्भिर घाईते बनाएको छ ।

सर्लाही जिल्लाको हरिपूर्वा नगरपालिका वडा नं. ५ बस्ने स्थानीय सुजित साहलाई आफ्नै पसलमा बसिरहेको बेला अचानक ढुँगा प्रहार गरी घाईते बनाएको हो ।

सोमबार विहान १० बजे तर्फ पसलमा आएको ग्राहकलाई रकम फिर्ता दिरहेको अवस्थामा स्थानीय महेश रायको छोरा सँजय रायले टाउकोमा ढुँगा प्रहार गरी घाईते बनाएको हो ।

एकाएक पसलमा आएर रायले साह उपर ढुँगा प्रहार गरी भागेको प्रहरीले जनाएको छ । साह त्यही बेहोस भएर लडेपछि स्थानीयहरुको सहयोगमा अस्पताल पुरयाएको थियो ।

गाउँमा उपचार सम्भव नभएपछि एम्बुलेन्स मार्फत थप उपचारको लागि जनकपुरको प्रादेशिक अस्तपतालमा ल्याइएको हो । उनलाई टाउकोमा ४ वटा टाँका (स्टिच) गरिएको जनाईएको छ ।

यता, प्रहार गर्ने रायलाई प्रहरीले सोमबार नै पक्राउ गरी केही समयपछि छाडिदिएका हुन् । प्रहरी चौकी हरिपूर्वाल् उनलाई पक्राउ गरेपछि स्थानीय जनप्रतनीधि वडाध्यक्षको जमानतमा तत्कालै छाडिदिएको बताईएको छ ।

वडाध्यक्ष दिनेश यादवले ढुँगा प्रहार गर्ने रायको डिप्रेशनमा रहेको बताएका छन् । उनको मानसिक स्थिति बलियो नभएको भन्दै तत्कालै परिवारजनको आग्रहमा सन्तुलन हेतु रिहा गर्न लगाएको स्वीकारेका छन् ।

वडाध्यक्ष यादवले उनको बुवासँग जमानत गरी चाहेको बेला र बोलाएको बेला सँजयलाई लिएर आउनुपर्ने शर्तमा मात्र रिहा गरिएको बताए । कानुनी प्रक्रियाको लागि कुनै बाधा नहुने वडाध्यक्ष यादवले थपे ।