जनकपुरमा एकाविहानै मृत भेटिए पुरुष !

न्यूज ब्यूरो, जनकपुरधाम । जनकपुरमा एकाविहानै एक पोखरीमा पुरुषको लास फेला परेको छ ।

जनकपुरको गँगासागरदेखि पश्चिम तर्फ रहेको पवित्र सरोवर मानिने धनुषा सागर पोखरीमा एका विहानै पुरुषको लास फेला परेको प्रहरीले जनाएको छ ।

जिल्ला प्रहरी कार्यालय धनुषाका अनुसार, लास (शव) वेवारिसे रहेको छ । मृतकको हुलिया अझै खुल्न सकेको छैनन् ।

अन्दाजी ३५ बर्षिय ती पुरुष करिब ३ दिनदेखि डुबेको हुनुपर्ने अनुमान गरिएको छ । लकडाउनमा पनि विहानै निस्केका एक स्थानीयले पोखरीमा तैरिरहेको अवस्थामा लास देखेपछि प्रहरीलाई खवर गरेको थियो ।

केही बेरमै घटनास्थल पुगेको प्रहरीले मुचुल्का उठाएर लासलाई पोष्टमार्टमको लागि जनकपुरको प्रादेशिक अस्तालमा लगिएको जनाइएको छ ।