प्रदेश २ मा थप ४ जना सहित ९ जनामा कोरोना, सँख्या २६७ पुग्यो !

न्यूज ब्यूरो, जनकपुरधाम । प्रदेश नं. २ को थप ४ जनामा कोरोना सँक्रमण पुष्टि भएको छ ।

स्वास्थ्य तथा जनसँख्या मन्त्रालयले आज (शुक्रबार, राती) ८ः१५ बजे गरेको अपडेट अनुसार प्रदेश २ का ४ जना सहित अन्य ठाउँ गरी जम्मा ९ जना नयाँ सँक्रमित भेटाएको हो ।

अध्यावधिक बिवरण अनुसार कोभिड–१९ का पुष्टी भएकाहरूको जम्मा संख्या २६७ पुगेको छ । राष्ट्रिय जनस्वास्थ्य प्रयोगशाला, काठमाडौँ, बिपी कोइराला स्वास्थ्य विज्ञान प्रतिष्ठान, धरान र भेरी अस्पताल, नेपालगंजमा गरिएको परिक्षण अनुसार नयाँ पुष्टी भएको संख्या ९ पुगेको छ ।

सँक्रमणमा प्रदेश नं. २ को दुई जिल्ला पर्सा, बिरगंज निबासी ९, १० बर्षीय बालक, २३, ४७ वर्षीय महिला रहेका छन् ।

यस्तै, उदयपुर, त्रियुगा नगरपालिका निवासी २५ वर्षीय पुरुष, दांङको गढवा – ४, ५ र तुलसीपुर–७ निवासी २३, ३६, ३४ वर्षीय पुरुषहरू, काठमाडौँ, सतुंगल निवासी ७ वर्षीय बालक रहेका छन् ।

हाल सम्म प्राप्त बिवरण अनुसार, सँक्रमितहरुको स्वास्थ्य अवस्था सामान्य छ र उनी सबै जना स्वाथ्यकर्मीको सम्पर्कमा रहेका छन् । अहिलेसम्म जम्मा ३५ जना निको पनि भएका छन् ।