काठमान्डौंमा ओली र मोदीको पुतला दहन, दर्जनौ पक्राउ

न्यूज ब्यूरो, काठमान्डौं । राजधानी काठमान्डौंको विभिन्न ठाउँमा युवा तथा विद्यार्थीहरुद्धारा प्रधानमन्त्री केपी शर्मा ओली तथा भारतीय प्रधानमन्त्री नरेन्द्र दास (मोदी) को पुतला दहन गरिएको छ ।

लिपुलेकको विषयलाई लिएर विद्यार्थीहरु लकडाउनमा प्रदर्शन गरेको हो । उनीहरु आफ्नै सरकार सहित भारत सरकार विरुद्ध समेत आन्दोलनमा उत्रेका छन् ।

विभिन्न विद्यार्थी संघसँगठन सँग आवद्ध रहेका विद्यार्थी नेता तथा कार्यकर्ताहरुले कुनै ठाउँमा ओलीको पुतला दहन गरेको छ भने कुनै ठाउँमा मोदी पनि पुतला दहन गरेको छ ।

अनेरास्वीयूका नेता तथा कार्यकर्ताहरु काठमान्डौंबाट पक्राउ परेका छन् । भारतीय प्रधानमन्त्री नरेन्द्र मोदीको पुतला दहन गरेपछि पक्राउ परेका हुन् ।

काठमाडौँको बबरमल क्षेत्रमा जम्मा भएका प्रदर्शनकारीले भारत विरोधी नारा लगाउनका साथै सरकारको आलोचना गरेको थियो । प्रहरीले करिब एक दर्जन प्रदर्शनकारीलाई नियन्त्रणमा लिएको छ ।

ववरमहलमा अप्रत्यासित रुपमा भेला भएर भारतीय प्रधानमन्त्री नरेन्द्र मोदीको पुत्ला दहन गर्न थालेपछि प्रहरीले हस्तक्षेप गरेको हो।

प्रहरीले उनलाई पक्राउ गरेको छ। आज पक्राउ परेकाहरु हिजो पनि पक्राउ परेका थिए। उनीहरुलाई हिजो दिउँसो समातेर राति ८ बजे छाडिएको थियो।