लकडाउन जेठ ५ गतेसम्म लम्ब्याउने सरकारको निर्णय

न्यूज ब्यूरो, काठमाडौं । सरकारले लकडाउन जेठ ५ गतेसम्म लम्ब्याउने निर्णय गरेको छ ।

बुधबार बसेको मन्त्रिपरिषद्को बैठकले लकडाउन वैशाख २५ बाट बढाएर जेठ ५ गतेसम्म जारी राख्ने निर्णय गरेको हो । यसअघिको अवधि वैशाख २५ गते अर्थात् बिहीबार सकिँदैछ ।

कोरोना भाइरसको संक्रमण फैलिन नदिने उद्देश्यले सुरुमा चैत ११ देखि १८ गतेसम्म लकडाउन घोषणा गरेको सरकारले यो पाँचौपटक समय थपेको हो । लकडाउन सुरु भएयता दिनदिनैजसो कोरोना संक्रमित फेला पर्ने क्रम नरोकिएपछि सरकारले लकडाउन लम्ब्याइरहेको छ ।

मंगलबारसम्मको तथ्यांकअनुसार नेपालमा कोरोनाबाट ८२ जना संक्रमित भइसकेका छन् ।