संघीय संसदका सबै सांसदको कोरोना परीक्षण गरिने

न्यूज ब्यूरो, काठमाडौं । संघीय संसदका सबै सदस्य र कर्मचारीहरुको पीसीआर विधिबाट कोरोना परीक्षण गरिने भएको छ ।

मंगलबार बसेको कार्यव्यबस्था परामर्श समितिको बैठकले यस्तो निर्णय गरेको हो । त्यसैगरी संघीय संसदको सभाहलहरु, कक्षहरु, भवन र परिसरलाई स्यानीटाईज गर्ने निर्णय पनि भएको छ ।

बैठकले विश्व स्वास्थ्य संगठनले तोकेका सवै मापदण्डलाई पालना गर्दै दुरी कायम गरेर बैठकहरु सञ्चालन गर्ने निर्णय गरेको छ ।

संघीय संसद भवनमा कोरोना संक्रमण हुन नदिन सबै पुर्व तयारी गर्ने र संघीय संसद भवनको सरसफाईमा विशेष ध्यान दिने निर्णय भएको छ । संसदको बजेट अधिवेशन बैशाख २६ गतेबाट सुरु हुँदैछ ।