धनुषाको क्वारेन्टाइनहरुमा स्तरोन्नती आवश्यक छ : सँयोजक पोखरेल

न्यूज ब्यूरो, जनकपुरधाम । धनुषाको क्वारेन्टाइन अनुमगन समिति सँयोजक एवम् सहायक प्रमुख जिल्ला अधिकारी शरद पोखरलले धनुषाको क्वारेन्टाइनहरुको अवस्था सँतोषजनक रहेको बताउनुभएको छ ।

जिल्लाभरिमा ३ सय ७९ बेड क्षमता भएको क्वारेन्टाईनमा सरकारको निर्देशिका र मापदण्ड बमोजिम व्यवस्थापन भएको पाइएको बतानुभएको छ ।

धनुषा जिल्लाको १८ वटै स्थानीय तहमा रहेको क्वारेन्टाईनको अवस्था सँतोषजनक भएपनि कुनै कुनै स्थानीय तहको क्वारेन्टाइन व्यवस्थापनमा सुधार गर्नुपर्ने आवश्यकता समेत उहाँले औल्याउनुभयो ।

उहाँले भन्नुभयो–“धनुषा जिल्लाको सबै स्थानीय तहको क्वारेन्टाइनको अनुमगन गरिसकेका छौं । त्यसमध्ये सबभन्दा प्रारम्भमा निर्माण भएको नगराइनमा जुन की नेपाली सेनाद्धारा सँचालन गरिएको छ । पूर्णत व्यवस्थित रहेको छ । धनुषाको हँसपुर नगरपालिका, धनुषाधाम, शहिदनगरको क्वारेन्टाइन व्यवस्थित पाएका छौं । केहीमा सुधारको खाँचो छ र त्यसको लागि हामी निर्देशन दिसकेका छौं ।

कोरोना रोकथामको लागि केन्द्र सरकारको प्रयास र स्थानीय तहको समन्वयको मूल्याँक गर्दै मापदण्ड अनुसार सँचालन गर्नुपर्ने भएकोमा समग्रमा सँतोषजनक रहेको बताउनुभयो ।

क्वारेन्टाइनको मापदण्डको सन्दर्भमा कुराकानी गर्दै समाजिक दुरी कायम गरी बेड, तन्ना, तकिया, झूल, डस्टबिन, ब्रस, जिबिया, साबुन, सेनिटाइजर सहितको व्यवस्था हुनैपर्ने बताउँदै उहाँले खानामा इम्युनिटी पावर बढाउने जस्ता खाजा र खाना दिनुपर्ने प्रावधान रहेको बताउनुभो ।

उहाँले नेपाल सरकारको मापदण्ड अनुसार पूर्ण नभएपनि क्वारेन्टाइन व्यवस्थापन समितिका सँयोजकहरुले भने बमोजिम मादण्डहरु लगभग पूरा गरेको बताउँदै केही स्तरोन्नतीको आवश्यकता औल्याउनुभयो ।

उहाँले सबै क्वारेन्टाइनको समय समयमा अनुमगन गर्ने गरिएको बताउँदै स्थानीय तहका प्रमुख, उपप्रमुख, क्वारेन्टाइन व्यवस्थापन समिति, अधिकृतहरुलाई झन सुधारको लागि निर्देशन दिने गरेको बताउनुभयो ।

धनुषाको विभिन्न क्वारेन्टाइनमा अहिलेसम्म ९९ जना रहेको बताइएको छ ।