जनकपुरका मेयर साहले पठाए ७६०० बढी पोका राहत

न्यूज ब्यूरो, जनकपुरधाम । जनकपुरधाम उप–महानगरपालिकाका मेयर लाल किशोर साहले ७ हजार ६ सय भन्दा बढी राहतको पोका पठाएका छन् ।

जनकपुरधाम उपमहानगरपालिकाको विभिन्न १२ वटा वडाको लागि सो राहत पठाएका हुन् । मेयर साहले ७ हजार ६ सय १ परिवारका लागि आज (आइतवार) राहत पठाएका छन् ।

उप–महानगरपालिका अनुसार प्रतिव्यक्ति १५ किलो चामल, १ लिटर खाने तेल, १ किलो नुन, हातधुने सावुन सय ग्रामको एउटा र ५०÷५० ग्रामको दुईवटा र तरकारी र दालको नगद तीन सय गरि राहत पठाइएको छ ।

आइतवार सम्म विभिन्न १२ वटा वडा २,३,४,५,६,८,११,१४,१६,१७,१८ र २१ मा राहत पठाइएको छ ।

वडा २ मा ३ सय १५, वडा ३ मा २७०, वडा ४ मा एक हजार २९, वडा ५ मा १४७, वडा ६ मा ५८८, वडा ८ मा ७५४, वडा ११ मा ५८९, वडा १४ मा ६१५, वडा १६ मा ५४१, वडा १७ मा ९४१, वडा १८ मा ६१२, वडा २१ मा १२ सय घर परिवारकोलागि राहत पठाइएको छ ।

विश्वभरि फैलिएको कोभिड–१९ (कोरोना भाइरस) को महामारीको एक महिना भन्दा बढी भई सकेको अवस्थामा दैनिक ज्यालादारी र विपन्न परिवारहरुकोलागि जनकपुरधाम उप–महानगरपालिकाले जिवन यापनमा सहज हुनकोलागि सो राहत वितरण गरेका छन् । कोभिडि–१९ ले जनकपुरधाम सहित विश्वभरिका आम जनता प्रभावित भएका छन् ।

कुनै कुनै वडामा आइतवार देखिनै राहत वितरण गर्ने कार्य प्रभारम्भ गरिएको छ भने आइतवार देखि शुरु नभएका वडाहरुमा सोमवार देखि वितरण गर्ने कार्यक्रम रहेको वडाध्यक्षहरुले जानकारी दिएका छन् । जनकपुरधाम उप–महानगरपालिकाले गरेको राहत वितरणलाई चौतर्फी प्रसंसा गरिएको छ ।

तत्कालिन जनकपुर नगरपालिकाका मेयर वजरंग प्रसाद साहले आइतवार वडा नं. ५ मा राहत वितरण गरिने क्रममानै भने–‘राहत वितरण गर्नु भएकोमा मेयर साहवलाई सहृदय धन्यवाद दिन चाहन्छौं ।’

उनले जनकपुरधाम उप–महानगरपालिकाका मेयर लाल किशोर साहको प्रसंसामा भने दैनिक ज्यालादारी गर्नेहरुको जिवन यापनकालागि सोच्नु सानो कुरा होइन । देखाउने र गर्नेमा फरक हुन्छ जनकपुरधाम उप–महानगरपालिकाका मेयर साहेवले ‘गर्ने’मा विश्वास गर्नु हुन्छ त्यसकोलागि धन्यवाद ।

जनकपुरधाम उप–महानगरपालिका–५ का समाजसेवी प्रमोद चौधरीले उप–महानगरपालिकाका मेयर साहको प्रसंसा गर्दै आफ्नो अभिभावकत्व हेराउनु भएको बताए । उनले थपे –“उप–महानगरपालिका अभिभावक विहीन छैन् । समाजिक संजालमा सस्तो लोकप्रियता कमाउनेहरुको बोल्ती बन्द भएको छ ।”

राहत वितरण कार्यक्रम निरन्तर जारी रहने र अगामी दिनमा पनि सहयोग गर्न जनकपुरधाम उप–महानगरपालिका तयार रहेको छ ।

जनकपुरधाम उप–महानगरपालिकाका मेयर लाल किशोर साहले सञ्चारकर्मीहरुलाई संछिप्त प्रतिक्रिया दिदै भने–‘तपाईहरु यहाँ आएर हामीहरुको कामगर्ने इच्छाशक्ति बढाउनु भएकोमा धन्यवाद दिन चाहन्छु ।’

उनले विपत्को वेला स्वास्थ्यकर्मी, सफाई कर्मचारी र सञ्चारकर्मीको भूमिका अत्यन्तै महत्वपूर्ण रहने भएकाले म सवैमा अभार व्यक्त गर्न चाहेको भने ।

उनले विपत्को वेला सवैले सवैलाई सहयोग गर्नुपर्ने आवश्यक्ता रहेको मलाई र सम्पूर्ण जनकपुरधाम उप–महानगरपालिकालाई रहेको वताए ।