नेपालमा कोरोना सँक्रमितको सँख्या ३२ पुग्यो

न्यूज ब्यूरो, जनकपुरधाम । नेपालमा थप एक जनामा कोरोना पोजिटिभ भएको ठहर भएको छ । पिसिआर विधिबाट गरिएको परीक्षणको क्रममा एक जनामा कोरोनो पोजिटिभ देखिएको हो ।

आज दिउँसोसम्म ३१ रहेकोमा पुनः एक जना थप भएपछि नेपालमा जम्मा सँक्रमित सँख्या ३२ पुगेको स्वास्थ्य तथा जनसँख्या मन्त्रालयले जनाएको छ ।

स्वास्थ्य मन्त्रालयको नियमित मिडिया ब्रिफिँगको क्रममा प्रवक्ता डा. विकास देवकोटाले प्रदेश नं. २ को उदयपुरबाट थप एक जना पुरुषमा पोजिटिभ रिजल्ट आएको हो ।

आजसम्म ८ हजार ७ सय ६३ जनामा गरिएको परीक्षणबाट ३२ जना सँक्रमित भेटाएको हो भने १ सय ७ जना आइसोलेशनमा रहेको जनाइएको छ ।

त्यस क्रममा ल्याइएको स्वाबमध्ये कतिपयको परीक्षण बाँकी नै रहेको स्वास्‍थ्य तथा जनसंख्या मन्त्रालयले जनाएको छ ।