प्रदेश २ः मस्जिदहरुमा प्रशासनको टोली

न्यूज ब्यूरो, जनकपुरधाम । कोभिड–१९ को सम्भावित जोखिम हुन नदिन लहान नगरपालिका भित्रका मस्जिदहरुको अनुगमन गरिएको छ ।

ईलाका प्रशासन कार्यलय लाहानले मुस्लिम समुदायका अगुवासँंगको सहकार्य र समन्वयमा मस्जिदको अनुगमन गरेका छन्। अनुगमनमा ईलाका प्रहरी कार्यलय लहानका डिएसपी सरत थापा क्षेत्री सहितको टोलीले अनुगमन गरेको हो ।

सशस्त्र प्रहरी वेस क्याम्पका डिएसपी अर्जुन सापकोटा , वडा अध्यक्ष तथा मुस्लिम समुदायका अगुवाहरुको उपस्तिथिमा लहान वडा नं ५ , वडा नम्बर ४ , वडा नम्बर १८ लगायतका वडाहरुमा रहेका मस्जिदहरुको अनुगमन गरिएको जानकारी गराइएको छ।

मुस्लिम समुदायको अवस्था बुझ्न आग्रह गरिए अनुसार अनुगमन गरिएको र आपसी धार्मिक सद्भाव तथा एकतालाई अझ बलियो बनाउँदै कोरोना भाइरसको जोखिम विरुद्ध लड्न अनुगमन गरिएको बताइएको छ।