लकडाउनमै भारत लैजादै गरेको ३६ कार्टुन दारु बरामद

न्यूज ब्यूरो, सिरहा । सरकारले लगाएको कडा लकडाउनमा पनि मदिरा (दारु) को ३६ कार्टुन प्रहरीले बरामद गरेको छ ।

कोरोना भाईरसको संभावित संक्रमणबाट जोगिन सरकारले लकडाउन घोषणा गरेको बेला लकडाउनको मोका छोपी सिरहाको दक्षिणवर्ती सिमाना नाकाबाट बरामद गरिएको हो ।

सिरहाको नवराज पुर गाउँपालिका – ५ दशगजा बोर्डर ईलाका कुसन्डी स्थित नेपालबाट भारत तर्फ तस्करहरुले टाउकोमा बोकी अबैध रुपमा लैजादै गरेको ३६ कार्टुन सोफी मदिरा सशस्त्र प्रहरी बल नेपालले बरामद गरेको छ।

शुक्रबार सशस्त्र प्रहरी बल नेपाल नं. ७ गण हे.का., सिरहाका डिएसपी प्रेम रावलको कमाण्ड्मा खटिएको गस्ती टोलीले नवराज पुर गाउँपालिका – ५ दशगजा बोर्डर ईलाका कुसन्डि स्थित तस्करहरुले टाउकोमा बोकी लैजाँदै गर्दा बरामद भएको हो ।

आज विहान करिब २ः३० बजेको समयमा खेत हुँदै नेपालबाट भारत तर्फअबैध रुपमा लैजादै गरेको ३६ कार्टुन मदिरा (सोफि) सशस्त्र प्रहरीले बरामद गरेको हो।

तस्करहरु प्रहरी टोलि लाई हेर्ने बितिकै मदिराको कार्टुन फालेर फरार भएको सशस्त्र प्रहरीले जनाएको छ ।

बरामद गरेको अबैध मदिरा आबशयक कारबाहीको लागि ठाडी भन्सार कार्यालय इनर्वा, ठाडी सिरहा मा पठाइएको सशस्त्र प्रहरी बल नेपाल नं. ७ गण हे.क्वा, सिरहाका एसपी प्रवीण कडेँलले बताएका छ्न।