आफ्नै लगानीमा सँचारकर्मी मण्डलले ६० हजार बढीको मास्क र सेनिटाइजर बाँडे

न्यूज ब्यूरो, जनकपुरधाम । धनुषाको विदेह नगरपालिकामा सँचारकर्मी संजीव मण्डलले मास्क र सेनिटाइजर वितरण गरेका छन् ।

विदेह नगरपालिका वडा नं. ७ मा आफ्नो व्यक्ति लगानीमै सँचारकर्मी मण्डलले कोरोना भाइरसको सँक्रमणबाट जोगिन सर्वसाधारणहरुलाई मास्क र सेनिटाइजर वितरण गरेका हुन् ।

आज (बुधबार) समाजिक दुरी (सोसल डिस्टान्स) व्यवस्थापन गरी आम नागरिकहरुलाई डिटोल साबुन, ग्लोब्स समेत वितरण गरेको हो ।

मण्डलले १२०० थान मास्क, ६ सय ५० थान डिटोल साबुन, ५० थान सेनिटाइजर र २०० थान ग्लोब्स वितरण गरेका हुन् ।

स्वास्थ्यकर्मी श्रीपुजन मण्डल , शिव नारायण ठकुर, सुरेस रोहिता, चिरञ्जीवी चौधरीको विशेष उपस्थितिमा उक्त समाग्रीहरु वितरण गरिएको जनाइएको छ ।

मण्डलले ६५ हजार रुपैयाँ बराबरको समाग्री वितरण गर्दै बिओपी महिनाथपुर र प्रहरी चौकी गिद्धालाई पनि केही समाग्री सहयोग गरेका हुन् ।

कोरोनाको महामारीमा गरिब, विपन्न परिवार सहित मास्क नभएका सर्वसाधारणहरुलाई मास्क लगाइदिएका हुन् ।