जनकपुरलाई 'सेनिटाइज' गरिदै

न्यूज ब्यूरो, जनकपुरधाम । प्रदेश नं. २ को जनकपुरधाम उपमहानगरपालिकाले आजदेखि नगरलाई सेनिटाइज गर्ने कार्य सुरु गरेको छ ।

जनकपुरधाम उप(महानगरपालिकाद्वारा युध्यस्थरमा लामखुट्टे नियन्त्रण गर्ने कार्यहरु भैरहेको जानकारी जनाइएको छ ।

कोरोनाको महामारी सँगै जनकपुरमा बढदै गएको लामखुट्टेको प्रकोपकलाई न्यूनिकरण गर्नको लागि जनकपुरलाई सेनिटाइजेशन गर्न लागिएको जनाइएको हो ।

जनकपुरधाम उपमहानगरपालिका भित्र रहेको २५ सै वडाको लागि २५ वटा लामखुट्टे (मच्छर) नियन्त्रण गर्ने उपकरण सम्बन्धित वडाध्यक्षहरुलाई हस्तान्तर गरिएको छ ।

उपकरण हस्तान्तरणसँगै प्रत्येक वडामा लामखु्ट्टेको औषधी छर्कनुका साथै सेनिटाइजेशन गर्ने कार्य भईरहेको नगरपालिकाले जनाएको छ ।

सेनिटाइजेशन भने सबै वडाहरुमा पालोपाले थर्मल फगिँग मेसिनले बेलुका नियन्त्रणको प्रयास गरिने जनाइएको छ । पालोपालो गरी सबै वडामा फगिँग मेसिन चलाइने भएको छ ।

कोरोना भाइरसको सँक्रमणबाट जोगाउन जनकपुरलाई सेनिटाइजेशन गर्ने अभियान समेत सुरु गरिएको बताइएको छ ।