अदालतको अत्यावश्यक सेवा चैत २८ सम्म सञ्चालन हुने

न्यूज ब्यूरो, काठमाडौं । सर्वोच्च अदालतलगायत सम्पूर्ण अदालतले चैत २८ गतेसम्म अत्यावश्यक सेवा मात्र सञ्चालन गर्ने भएका छन् ।

सर्वोच्च अदालतको शुक्रबार बसेको पूर्ण बैठकले कोरोना भाइरसको सम्भावित संक्रमणबाट बच्नका लागि अत्यावश्यक सेवा मात्र सञ्चालन गरिरहेकोमा त्यसलाई यही चैत २८ गतेसम्म निरन्तरता दिने निर्णय गरेको हो अदालतको यसअघिको पूर्ण बैठकले आजसम्मका लागि अत्यावश्यक सेवा मात्र प्रवाह गर्ने निर्णय गरेको थियो ।

सरकारले स्थापना गरेको कोरोना सङ्क्रमण, रोकथाम, नियन्त्रण र उपचार कोषमा प्रधानन्यायाधीशसहित न्यायाधीशहरुले १५ दिनको तलब उपलब्ध गराउने निर्णय बैठकले गरेको अदालतका सहप्रवक्ता देवेन्द्र ढकालले जानकारी दिए ।