शहिदनगरको १३०० घरमा लामखुट्टेको औषधी छर्किए

न्यूज ब्यूरो, धनुषा । धनुषाको शहिदनगर नगरपालिकाको एक वडामा लामखुट्टेको औषधी छर्किएको छ ।

शहिदनगर नगरपालिकाको वडा नं. २ मा रहेको १३०० घरमा लामखुट्टेको औषधी छर्किएको हो । मौसम परिवर्तनसँगै बढदै गएको गर्मी र लामखुट्टेको आतंक न्यून गर्न औषधी छर्किएको हो ।

शहिदनगर नगरपालिका वडा नं. २ का नेपाली काँग्रेसका वडाध्यक्ष प्रत्यासी सतेन्द्र चोरबारको अगुवाईमा लामखुट्टेको औषधी छर्किएको हो ।

कोरोना भाइरसको सँक्रमण रोक्न समेत भूमिका निर्वाह गर्ने उदेश्यले लामखुट्टेको औषधी छर्किएको नेपाल तरुण दलका सलेन्द्र चोरबारले जानकारी दिए ।

नेपाली कांग्रेसका महासमिति सदस्य नेता सुधीर गोइत, नेपाली कांग्रेसका महाधिवेशन प्रतिनिधि राजदेव यादव , नेता साधु गोइतको सहयोगमा उपस्थिति नेपाली कांग्रेसको प्रतियाशी मेयर देबेन्द्र भर्खर र नेपाल तरुण दलकै सर्बजित यादवको सहयोगमा औषधी छर्किएको हो ।

कोरोना भाइरसको सँक्रमण र सरकारले लागू गरेको लकडाउनको पालना गर्दै भीडभाडबाट बञ्चित गरी घर घरमा गएर औषधी छर्किएको हो ।