मुख्यमन्त्री गद्दीले बोली फिर्ता लिनुपर्छ : डा. पँजियार

न्यूज ब्यूरो, जनकपुरधाम । प्रदेश नं. २ का मुख्यमन्त्री मो. लालबाबू राउत गद्दिले चिकित्सकहरुप्रति गरिएको टिप्पणी फिर्ता लिनुपर्ने माग गरिएको छ ।

प्रदेश २ का मुख्यमन्त्री राउतले आफ्नो ज्यानको बाजि खेलेर , चाहिने उप्युक्त पिपिइहरुको अभावमा समेत खटेका सम्पूर्ण स्वास्थ्यकर्मीहरु प्रती भद्दा टिप्पणी गरेको भन्दै फिर्ता लिन माग गरिएको छ ।

डा. सिके राउत नेतृत्वको चिकित्सक सँगठन जनमत चिकित्सक संघका डा. विनय पँजियारले मुख्यमन्त्री राउतको अभिव्यक्तिप्रति खेद प्रकट गरेका छन् ।

“सम्पूर्ण विरामिको हक–हितमा देश भरकै सम्पूर्ण चिकित्सकहरु तथा अन्य स्वास्थ्यकर्मीहरु पनि खटिएको कुरा जग–जाहेर छ, यस्तो जटिल अवस्थामा स्वाथ्यकर्मी स्वयम् नै कोभिड–१९ को सँक्रमण खतरामा रहेको बेला येस्तो गैर–जिम्मेवारिपूर्ण टिप्पणी आउनु आफैमा लज्जास्पद हो।”– जारी गरिएको प्रेस विज्ञप्तिमा उल्लेख छ ।

मुख्यमन्त्री राउतलाई तत्काल आफ्नो अभिव्यक्ति फिर्ता लिन र सँगै बिरामीको सेवामा खटिने सम्पूर्ण स्वास्थ्यकर्मीको लागि विशेष प्याकेज घोषणा गर्न आग्रह समेत गरेका छन् ।

संघले गरिव, निमूखा जनता र यस्तो सँक्रमणको बेला योगदान पुर्याउने निजामती कर्मचारी, प्रहरी सबैको उच्च मूल्याकन गर्दै विशेष प्याकेजको घोषणा गर्न माग गरिएको हो ।

यसअघि मुख्यमन्त्री राउतले उपचारमा आनाकानी गर्ने चिकित्सकलाई कारवाही गरिने अभिव्यक्ति दिएका थिए ।