जनकपुरः २ टा मोसामा चिरफार, एउटामा आगजनी

न्यूज ब्यूरो, जनकपुरधाम । जनकपुरमा गएराती अज्ञात समूहद्धारा ३ वटा मोटरसाईकलमा क्षति पुरयाएको छ ।

जनकपुरधाम उपमहानगरपालिका वडा नं. ७ स्थित रहेको कुम्हार कुटि नजिक सो घटना भएको हो । गएराती करिब १ बजे तर्फ मोटरसाईकलमा आगजनी गरिएको हो ।

अज्ञात समूहद्धारा रोकि राखिएको ३ वटा मोटरसाईकल मध्ये २ वटामा सिट चिरफार सहित मोटरसाईको बोडीमा समेत चिरा लगाएको छ भने एउटामा आगो नै लगाइदिएका छन् ।

स्थानीय पप्पु साह मोटरसाईकल धनि रहेको उक्त मोटरसाईकल उनकै घर अगाडी रोकेर राखिएको थियो । प्रदेश ०२–०२–००१ प ५२४२ नम्बरको एफजेड मोडेलको मोटरसाईकलमा आगजनी गरिएको हो ।

स्थानीयहरुका अनुसार राती १ बजे मोटरसाईकलमा आगजनी गरेर उक्त समूह भागेका थिए । आगजनी भएपछि स्थानीयहरु विउझिएका थिए । तत्कालै आगो नियन्त्रणमा लिएपनि मोटरसाईकल भने बर्बाद भईसकेको सवारी धनीका भाई अक्षय साहले बताए ।

यसबारे प्रहरीलाई जानकारी गराएको तथा प्रहरीको टोली समेत घटनास्थल पुग्न लागेको जनाइएको छ ।