धनुषाः मृत भेटिए महिला, स्थानीयमा त्रास !

न्युज ब्युरो ,जनकपुरधाम । धनुषामा एक महिला मृत अवस्थामा फेला परेपछि टोलमा त्रास छाएको छ । यद्यपी मृत्यू डरलाग्दो नरहेपनि स्थानीयहरु त्रासमा छन् ।

धनुषाधाम नगरपालिका वडा नं. ५ वडा कार्यलय हाता भित्र करिब ३ दिन देखि अपरिचित महिला चौतारामा बस्दै आएकोमा आज विहानै मृत फेला परेकी हुन्

घटनास्थलको प्रकृति अनुसार मृतक महिला मागेर खाने जस्तो देखिएको हो । मृतक महिलाको साथमा चामल भिख मागेको जसो भेटिएको बताईको छ ।

अन्दाजी ७० बर्षिय मृतक महिलाको नाम ठेगाना खुल्न सकेको छैन भने पोस्टमार्टम लागि जनकपुर पठाइएको ईलाका प्रहरी कार्यलय धनुषाधाम प्रहरी निरक्षक सुमन थापाले बताए।

महिला विरामी भएर मृत्यू भएको हुन सक्ने अनुमान गरिएको छ । पोस्टमार्टम लागि पठाउन शव वाहन बोलाई जनकपुर सम्मको भाडाको रकम वडा अध्यक्ष इन्द्रकुमार महतोले उपलब्ध गराएर पठाएका हुन् ।

यता, केही जनाले कोरोना भाईरसको कुप्रचारमै उनको पनि भाइरस लागेर मृत्यू भएको हुन सक्ने भने स्थानीयहरुमा त्रास छाएको छ । यद्यपी, नेपालमा कतै पनि कोरोना भाईरस देखिएको छैनन् ।