सिरहामा हाइस र माइक्रो ठोक्किँदा १५ घाइते

न्यूज ब्यूरो, सिरहा । सिरहामा हाइस र माइक्रो ठोक्किँदा १५ जना घाइते भएका छन् ।

पूर्वपश्चिम राजमार्ग अन्तर्गत मिर्चैयास्थित बतहा पूज नजिकै आइतबार दिउँसो यात्रुवाहक हाइस र माइक्रो एकाअपसमा ठोक्किएको हो । पूर्वबाट पश्चिमतर्फ गइरहेको बा ५ ख २३१३ नम्बरको हाइस र विपरीत दिशाबाट आउँदै गरेको ना १ ज ८५४० नम्बरको माइक्रो ठक्कर खाएको प्रहरीले जनाएको छ ।

दुर्घटनामा हाइस र माइक्रोमा सवार १५ जना सामान्य घाइते भएको ईलाका प्रहरी कार्यालय मिर्चैयाले जनाएको छ । घाइतेहरुको मिर्चैयास्थित मंगलम हेल्थ केयरमा उपचार भइरहेकोे छ ।

यात्रुहरुको हात, खुट्टा र ढाडमा सामान्य चोटपटक लागेको प्रहरीले जनाएको छ ।