बिहारीको डोला उठाउँदै प्रचण्डले भन्नुभयो–“मै धन्य महसुस कर रहा हुँ”

न्यूज ब्यूरो, जनकपुरधाम । पूर्व प्रधानमन्त्री एवम् नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले धनुषा आएर आफू आज गौरवान्वित महसुस गरेको बताउनुभएको छ ।

आजदेखि सुरु भएको १५ दिने मिथिला माध्यमिकी परिक्रमामा धनुषाको मिथिला विहारी मन्दिरमा सहभागी हुँदै उहाँले सो कुरा बताउनुभएको हो । मिथिला विहारीको डोलालाई सलामी दिन धनुषा आउनुभएका प्रचण्डले परिक्रममा पहिलो पटक सहभागी हुँदा आफू धन्य भएको बताउनुभएको छ ।

प्रथम पटक मिथिला विहारीको डोलालाई सलामी दिन धनुषाको मिथिला विहारी नगरपालिका वडा नं. ८ स्थित रहेको मिथिला विहारीको मन्दिरबाट आम श्रद्धालुमा सम्बोधन गर्दै उहाँले परिक्रममा सहभागी हुँदा आफू गौरवान्ति भएको बताउनुभएको छ ।

विहान ९ बजे मन्दिर आईपुग्नुभएका प्रचण्डले यसपाली हेलिकप्टरबाट पुष्प वर्षा (पुष्पवृष्टि) गर्नुभएको थियो ।