कमलाको कुम्भ मेलामा कमला अभियानीको सहयोग र सम्मान

न्यूज ब्यूरो, जनकपुरधाम । कमला बचाउ अभियानका सँयोजक विक्रम यादवले कुम्भ मेलाका भक्तजनहरुको लागि भण्डारा हेतु खाद्यान्न सहयोग सहित सम्मान गर्नुभएको छ ।

साप्ताहिक कमला बचाउ अभियान अन्तर्गत शनिबार सम्पन्न साप्ताहिक कार्यक्रमको दौरान कमला बचाउ अभियानका सँयोजक एवम् अभियानी यादवले कुम्भ मेलामा आउने भक्तजनहरुको भण्डारा हेतु खाद्यान्न सहयोग गरिएको हो । अभियानी यादवले कमला नदीमा कुम्भ मेलामा पाल्ने भक्तजनहरुको लागि भण्डारा हेतु चामल सहितको समाग्री सहयोग गर्नुभएको छ ।

कमलाको अस्तित्व बचाउने हेतु थालिएको कमला बचाउ अभियानको उदगम स्थलमै १२ वर्षपछि कुम्भ मेला आयोजना गरिएको भन्दै खाद्यान्न समाग्री सहयोग गरिएको हो । सो क्रममा कुम्भमेलामा सहभागी हुनुभएका साधुसन्तहरुलाई सम्मान समेत गर्नुभएको छ ।

अभियानी यादवले कमला नदीको अस्तित्व रक्षा हेतु पनि कुम्भ मेलाको आयोजना प्रत्येक १२ वर्षमा गर्नु एक सराहनीय र पौराणिक कार्य भएको बताउनुभयो । साधुसन्तहरुलाई सम्मान गर्दै उहाँले कमला अभियानीको रुपमा उहाँहरुलाई साथ दिन आग्रह समेत गर्नुभयो । सो क्रममा साधुसन्तहरुले कमला नदीको महिमा बताउँदै कमला रक्षाको लागि हरसम्भव साथ दिने प्रतिवद्धता व्यक्त गरेको हो ।

धनुषा र सिरहा जिल्लाको सीमाको रुपमा रहेको कमला नदीमा धनुषाको कमला नगरपालिका वडा नं. ६ मडान स्थित कुम्भ मेलाको आयोजना गरिएको हो । प्रत्येक १२ वर्षमा कमला नदीको बीचमै कुम्भ मेलाको आयोजना गरिदै आएको छ । सो क्रममा बाबाहरुलाई दोसल्ला ओढाएर सम्मान गरिएको हो ।

कुम्भ मेलामा आउनुभएका सिद्ध बाबा रामकुमार दासको अध्यक्षतामा गरिएको अन्तरक्रिया कार्यक्रममा कमला अभियानका अभियानीहरुले कमलाको अस्तित्व र महिमाबारे तथा बचाउ बारे चर्चा परिचर्चा गर्नुभएको थियो । सो क्रममा जनकपुरको रेल्वे ट्रैक अभियानका अभियानी रुवी झा, दिपक चौधरी मोती झाले आ–आफ्ना मनतव्य राख्नुभएको थियो ।

कार्यक्रममा वडा नं. ६ का वडाध्यक्ष समसुल मिया , वडानं. ९ का वडाध्यक्ष धर्मनाथ मण्डल , युवा नेता त्रिदेव मिश्रा, अभियानी अजय झा, राहुल झा, स्थानीय समाजसेवी उमेश मण्डल , कमला अभियानका सचिब बिनोद महारा सहित बालेश्वर महतो, सुरेन्द्र यादव , अनेरास्वीयूका विद्यार्थी नेता राजकिशोर यादव, राजकिशोर सल्लहैता लगातका कमला अभियानीहरुले वक्तत्व राख्नुभएको थियो ।