जनकपुरको रेल्वे ट्रैकको ६० औं सरसफाई

न्यूज ब्यूरो, जनकपुरधाम । प्रत्येक शनिबार महिला एवं बालबालिकाको पहल एवं युवा अभियाणीहरु को बिशेष उपस्थितिमा चलिरहेको निरन्तर साप्ताहिक रेलवे ट्रैक सरसफाई अभियानको ६० हफ़्ता सरसफाई गरिएको छ ।

शनिबार (आज) रेल्वे स्टेशन नजिक जलाद पुल वरिपरि सरसफाई गरिएको हो । प्रदेश सररकारका उद्योग पर्यटन तथा बातावरण राज्य मन्त्री सुरेश मंडलको प्रमुख आतिथ्यमा सरसफाई गरिएको हो ।

सो सरसफाई कार्यक्रममा ३५२ हफ्ता देखी निरन्तर चल्दै आएको बागमती सरसफाई अभियान काठमांडूक़ा मुख्य अभियन्ता डॉ लक्ष्मी फुयालको विशेष उपस्थिति रहेको थियो । सो कार्यक्रममा कमला बचाऊ अभियान संयोजक बिक्रम यादव, इंसेक प्रदेश संयोजक राजू पासवान,मूनलाइट स्कूलको प्रिन्सिपल कञ्चन कर्ण, अभियाणी मोती झा,युवा नेता त्रिदेव मिश्रा सहितको टोलीद्धारा ६० औं सरसफाई गरिएको हो ।

यसका साथै, अभियानी सरस्वती श्रेष्ठा, युवा राहुल झा, राजबीर यादव,रवी मंडल,अमन यादव,एवं जनकपुर रेलवे ट्रैक साप्ताहिक सरसफाई अभियाणको सम्पूर्ण अभियन्ता, स्थानीय टोलबासी, बुद्धिजीवि सहित सरसफाई अभियन्ता, पत्रकार, नागरिक समाजको उपस्थितिमा सरसफाईको निरन्तरता दिइएको हो ।

साथै रेल्वे ट्रैक सरसफाई अभियानमा आफ्नो योगदान दिने अभियानी त्रिदेव मिश्रा, कञ्चन कर्ण, राजबीर यादव,राजू पासवान,अमन यादव ज्युलाई रेलवे ट्रैक सरसफाई अभियानका अभियन्ता रूबी झा,दिपक कुमार चौधरी र राज्यमन्त्री मण्डलद्धारा द्वारा प्रसंशा पत्र प्रदान गरिएको थियो ।

सरसफाई कार्यक्रमको मिथि फाउंडेशन र Social Empowerment and welfare Association(SEWA) संस्था र संस्थाले समन्वय गरेको थियो ।