सिरहा : खोलामा बेहोस भेटिएका युवकको मृत्यु, एक पक्राउ

न्यूज ब्यूरो, सिरहा । सिरहामा एकजना युवकको शंकास्पद मृत्यु भएको छ ।

सिरहाको लहान नगरपालिका ३ का तेजनारायण चौधरीको २४ वर्षीय छोरा मिथिलेश चौधरीको मृत्यु भएको हो । बेलुका घरबाट निस्केका मिथिलेश साँझ लहान नजिकैको खुटी खेलामा बेहोस भेटिएका थिए ।

जीउ भरी माटो र हिलो लागेको अवस्थामा बेहोस भेटिएका चौधरीको उपचारको लागि अस्पताल लैजाँदै गर्दा बाटोमै मृत्यु भएको हो । झगड परेर यस्तो घटना भएको हुनसक्ने अनुमान गरिएको छ ।

यद्यपि, घटना शंकास्पद देखिएकाले यसबारे अनुसन्धान भइरहेको सिरहाका एसपी उमाप्रसाद चतुवेर्दीले बताए । शव पोष्टमार्टमको लागि लहानमै राखिएको छ ।

यता, घटनामा संलग्न रहेको आरोपमा प्रहरीले एकजनालाई पक्राउसमेत गरेको छ ।