नगरपालिकाको वडा कार्यालयमा तोडफोड गर्ने विद्यार्थी १८ पक्राउ

न्यूज ब्यूरो, रौतहट । रौतहटको गरुडा नपाको वडा नम्बर २ को वडा कार्यालयमा तोडफोड गर्ने केही विद्यार्थी र अन्य गरि १८ जनालाई प्रहरीले नियन्त्रणमा लिइएको छ।

विद्यालयमा पढाइ राम्ररी नभएको,ब्यबस्थापन पक्षले बिज्ञान शिक्षक पुर्ती नगरेको भन्दै विद्यार्थीले बुधबार दिउँसो १२ बजे वडा कार्यालयमा तोडफोड गरेको स्थानीय दिलिप सहनीले बताएका छन।यदपी बिद्यार्थीहरुले कुनै प्रकारको लिखित माग वडा कार्यालय वा बिधयालय ब्यवस्थापन पक्षलाई नगरेको श्रोतले दाबी गरेको छ।

वडा नम्बर २ गेडहीगुठीमा सञ्चालित श्री माध्यमिक विद्यालयमा अध्ययन अध्यापन गराइरहेका शिक्षक र अध्ययन गरिरहेका विद्यार्थीलाई निकालेर विद्यालयमा तालाबन्दी गर्दै वडाध्यक्ष विशुनदयाल सहनीविरुद्ध नाराबाजी गर्दै विद्यार्थीहरुले वडा कार्यालयमाथि आक्रमण गर्न पुगेका थिए। आक्रमणबाट वडा कार्यालयमा व्यापक क्षति पुगेको छ।

वडा कार्यालयको कम्प्युटर, दराज, फर्निचर तथा सम्पूर्ण कागजपत्रहरु नष्ट भएको छ। तोडफोडले वडा कार्यालयको सम्पूर्ण अभिलेख नै नष्ट भएको वडा कार्यालयले जनाएको छ।

घटनापछि इलाका प्रहरी कार्यालय गरुडा, गरुडा नगरपालिका कार्यालय र जनप्रतिनिधिहरुको टोलीले वडा कार्यालयमा पुगेर छ लाख रुपैयाँ भन्दा बढीको भौतिक क्षति पुगेको मुचुल्का तयार पारेका छन्।

वडा कार्यालयमा तोडफोड गर्ने समूह गरुडा नगरपालिका कार्यालयतर्फ अगाडि बढेको थियो। वडा कार्यालयबाट तीन किलोमिटर टाढा रहेको नगरपालिका कार्यालयमा आक्रमण गर्न पुग्न लाग्दा प्रहरीको टोलीले रोक्न खोज्दा आक्रमण गर्ने समूहले प्रहरीमाथि नै आक्रमण गरेको थियो।

वडा कार्यालयमा तोडफोड गर्ने समूहका १८ जनालाई नियन्त्रणमा लिइएको र आवश्यक छानबिन भइरहेको जिल्ला प्रहरी कार्यालय रौतहटका प्रवक्ता डिएसपि नवीन कार्कीले जानकारी गराएका छन।

कार्यालयमा तोडफोड गर्दा महत्वपूर्ण कागजातहरु नष्ट भएको र यसअघि पनि ती विद्यार्थीहरुले विद्यालयमा तोडफोड गरेकाले कानुन अनुसार कारबाही गरिने डीएसपी कार्कीले बताए। यसअघि २ महिना अगाडि पनि पढाइ नभएको भन्दै विद्यार्थीहरुले विद्यालयमै तोडफफोड गरेका थिए। त्यस बेला सर्वपक्षीय बैठक बसेर विद्यार्थी बालबालिका भएकाले छोडिएको थियो।

घटना घटाए लगतै नगरप्रमुख इन्नु राय यादब ,उपप्रमुख रङिला देबि जयसवाल ,प्रसासकिय अधिकृत मुस्ताक आलमले निरीक्षन गर्दै यस्तो गैरजिम्मेवार क्रियाकलाप गर्ने दोसिमाथी कारबाहीको माग गरे।