अस्पतालको सैयाबाट साहको गुहार–'५ लाख नभए मर्छु त ?'

न्यूज ब्यूरो, जनकपुरधाम । जीवन र मृत्यूसँज जुधिरहेका धनुषाका एक युवक आफूलाई बचाउनको लागि गुहार लगाएका छन् ।

धनुषाको मिथिला नगरपालिका वडा नं. ३ हरिहरपुर बस्ने बर्ष ३४ का सिजे साह अहिले काठमान्डौंमा अस्पतालको शैयाबाट रुदन दिएको छ । मुटुको रोगले ग्रसित साह उनलाई बचाउनको लागि ५ लाख रुपैयाँ आवश्कता भएको अस्पतालले भनेपछि घर परिवार अहिले घर घर दौडाहामा लागेको छ ।

मिथिला नगरपालिका ३ हरिहरपुर बस्ने जामुन साहको छोरा सिजे साहले आफूलाई बचाउनको लागि सबै सरोकारबालाहरुसँग अनुरोध गरेको छ । काठमान्डौ स्थित रहेको मनमोहन कार्डियोलोजी अस्पतालमा जीवन र मृत्यूसँग लडिरहेका छन् । उनको परिवार गरिबीको रेखामा छ , ५ लाख रुपैयाँ सुन्ने वित्तिकै सिजेको अवस्था झन विग्रेको बताइएको छ ।

दुई छोराछोरी रहेको सिजेकी श्रीमति श्रीमानको अवस्था बारे सोचेर खान पनि त्यागेकी छन् । जीवन र मृत्यूसँग लडिरहेका सिजे साहलाई ५ लाख रुपैयाँको सहयोग भेटाउन सके उनको जीवन बाँच्ने अवस्था रहेको छ ।

उनलाई बचाउनको लागि गाउँमा सिजे साह बचाउ अभियान सुरु गरिएको छ । गाउँघरमा घुमेर स्थानीय युवाहरुले उनको बचाउको लागि रकम संकलन कार्य सुरु गरेको छ । उनको परिवारले आफ्नो छोरालाई बचाईदिनको लागि सबै पक्षसँग अनुरोध गुहार गरेको छ ।