जो पत्रकारितादेखि 'राजनीति' सम्म कहिले थाकेनन !

न्यूज ब्यूरो, जनकपुरधाम । एक समान्य व्यक्ति एउटा पेशासम्मै आफ्नो जीवन गुजारा गर्न सकेको कैयौं उदाहरण छ । यहाँ यस्तो पनि व्यक्तित्वहरु छन् जो की साहसिक यात्राको स्मरणले नयाँ पिढीलाई पाठ सिकाउँछन् । सोही साहहिक यात्रा गर्नुभएको छ - रमेश चन्द्र प्रधान (श्रेष्ठ) ।

वि.सं. २०१५ मा भूमि टेकेका प्रधान बाल्यकालदेखि नै राजनीतिक यात्राको कल्पना गरिसक्नुभएको थियो । चन्द्रगिरी नगरपालिकाको वडा नं. १० सतुगल काठमान्डौंमा हुर्केका प्रधान पत्रकारितादेखि राजनीतिसम्मको साहसिक यात्रा उनको लागि एक ईतिहास बनेको छ ।

बुवा राम बहादुर श्रेष्ठ र आमा रत्नमाया श्रेष्ठको कोंखबाट जन्मेका प्रधान (श्रेष्ठ) बाल्यकालदेखि आफ्नो बुवासँगै राजनीतिक विद्या सिक्नुभएको सुनाउँनुहुन्छ । नेपाली काँग्रेसका पूर्व मह समिति सदस्य समेत रहनुभएका उनका बुवा राम बहादुर श्रेष्ठबाट उहाँ प्रभावित भएको बताउनुभएको छ ।

वि.सं. २०४३ सालमा रत्न राज्य क्याम्पस भृकुटि मण्डपबाट पत्रकारिता पढनुभएका उहाँले गत वि.सं. २०३५ सालमा एक वर्षको लागि शिक्षण पेशा समेत सम्हाल्नुभएको थियो । त्यसअघि वि.सं. २०३३ सालमा राष्ट्रिय मेलमिलापको बेलादेखि नै उहाँ नेपाली काँग्रेसमा सक्रिय हुनुभएको थियो ।

विपी कोईराला, गणेशमान सिँह लगायतका नेताहरु निर्वासित जीवन त्यागी स्वदेश फर्कदा बेलादेखि नै नेपाली काँग्रेसमा सक्रिय भएपछि २०३९ सालमा निर्वाचन समेत बष्किार आन्दोलनमा सहभागी हुनुभएको थियो । सोही क्रममा उहाँले वि.सं. २०४२ साल को सत्याग्रह गर्नुभएको श्रेष्ठले २)४६ सालको जनआन्दोलनमा सक्रिय हुनुभएका थिए ।

आन्दोलनको क्रममा उहाँ जेल जिवन समेत विताउँदै वि.सं. २०४९ सालको स्थानीय निर्वाचनमा काठमान्डौं जिल्ला विकास समितिमा सदस्य पदमा विजयी हनुभएको थियो । यस्तै, २०५४ सालको स्थानीय निर्वाचनमा उपसभापति पदको प्रत्यायासी समेत बन्नुभयो ।

जेल जीवन विताएर, जनआन्दोलनमा सहभागीता जनाएर राजनीतिको केही पाठ सिकीसकेको बेला उहाँले नेमकिपा, राप्रपा र नेपाली काँग्रेसको सँयुक्त उम्मेदवारको रुपमा उम्मेदवारी दिनुभएको थियो । सोही अनुरुप उहाँले राजनीतिक यात्रालाई निरन्तरता दिनुभएको थियो ।

यसअघि, २०३६ देखि सरकारी नोकरी, २०४२ देखि २०४९ सम्म नेपाल टेलिभिजनमा काम समेत गर्नुभएको उहाँले २०४२ देखी हालससम्म जेसिस इन्टरनेशनल बोर्डिँग सेकेण्डरी
स्कूलको कार्यकारी अध्यक्ष पदमा विराजमान हुनुभएको छ ।

श्रेष्ठ २०३९ सालमै नेपाली काँग्रेसको सदस्यता लिएर कार्यकर्ता हुँदा २०६९ सालमा संघीय समाजवादी पार्टी गठन हुँदा सँस्थापक केन्द्रीय सदस्य, पार्टीको प्रचार प्रसार समितिको कार्यवाहक अध्यक्ष, संघीय समाजवादी फोरमको सँस्थापक केन्द्रीय सदस्य हुँदै काठमान्डौं जिल्ला ईन्चार्ज सम्मको यात्रा त्यतिको सहज थिएनन् ।

हाल उहाँ समाजवादी पार्टीको सँस्थापक केन्द्रीय सदस्यको रुपमा तथा पार्टीको केन्द्रीय कार्यालय उपसचिव (उप प्रमुख) को रुपमा विराजमान हुनुहुन्छ ।

त्यतिबेला, जिल्ला विकास समिति काठमान्डौंको सदस्य हुँदा प्रस्तावित शहिद पार्कको सँयोजक समेत हुनुभएको थियो भने जिल्ला योजना समितिको अध्यक्ष समेत बनेर उहाँ जिल्ला वातावरण समितिको अध्यक्षम पदसम्म सम्हालेको दह्रो अनुभव बटुलिसक्नुभएको छ ।

पत्रकारितादेखि राजनीतिसम्म मात्र सीमित नभएर उहाँ आफ्नो समाजलाई समेत योग्दान दिनुभएको उहाँ बताउनुहुन्छ । गणेश परिवार पुस्तकालय, सतँुगल खानेपानी आयोजनाको सँस्थापक अध्यक्ष, स्थानीय सरकारी विद्यालय र गुठीहरुको सहल्लाहकारसम्मको अनुभव भनेको चानचुने अनुभव होईनन् । श्रेष्ठ लगभग सबै क्षेत्रमा काम गरिसकेको बताउनुहुन्छ ।

निरन्तर राजनीतिक यात्रामा सधैं सफल हुँदै आउनुभएका उहाँ ३ छोराछोरीको बुवा हुनुहुन्छ । उहाँलाई यी यात्राहरुमा सदैव साथ दिने उहाँकी श्रीमति रामेश्वरी प्रधानले पनि साहसिक सहयोग गर्नुभएको बताउनुहुन्छ । यसका साथै, छोरी रँगिला प्रधान, छोरा रँजन प्रधान र उत्कृष्ट प्रधानले पनि उहाँले अहिले सहयोगी भावना देखाएको बताउनुहुन्छ ।

त्यत्रो दिनको राजनीतिक यात्रा ईमान्दारी पूर्वक निर्वाह गरेकै कारण पनि उहाँले अझै धेरै सम्पति जोडन नसकेको बताउनुहुन्छ । सम्पतिको नाममा ३ वटा घर, जेसिस स्कुलमा लगानी, काठमान्डौंमा ३० रोपनी र धादिँगमा ९ रोपनी जग्गा बारी तथा बैंकमा ऋण धनको कारोबार रहेको बताउनुहुन्छ । त्यो सम्पति उहाँले सरकारी नोकरी र पुर्खयौली सम्पति मात्र रहेको बताउनुभयो ।

यसरी सुरुवातीको पत्रकारितादेखि हाल नेपाली काँग्रेसका नेता प्रकाशमान सिँह, अष्टलक्ष्मी शाक्य, नेकपाका गोपाल शाक्य समाजवादी तर्फ उपेन्द्र यादव, अशोक राई, बाबुराम भट्टराई र राजेन्द्र श्रेष्ठ लगायतका दिग्ज्ज नेताहरुको राजनीतिक निकटता रहेको बताउनुहुन्छ ।

गाउँदेखि नै बुवाबाट प्रभावित भएर उहाँ अहिलेसम्मको राजनीतिक यात्रालाई बुवासँग नै जोडेर कुशल राजनीतिको परिचय दिनुभएको छ ।