सर्लाहीमा अमिसेसको सिलाई कटाई

न्यूज ब्यूरो, सर्लाही । समाजिक संस्था अपन मिथिला सेवा समाजले सिलाई कटाई तालिमलाई तीव्रता दिएको छ ।

प्रदेश २ को विभिन्न पालिकाहरुमा सिलाई कटाई सम्बन्धि प्रशिक्षण संचालन गर्दै आएको समाजले सर्लाहीको हरिपुर नगरपालिकामा पनि तालिम सुरु गरेको छ । तालिमको उद्घाटन हरिपुर नगरपालिकाका मेयर जमरुदिन अन्सारी र वडा २ का वडाध्यक्ष रिखेश्वर कडरियाले गरेका हुन् ।

समाजको स्तर उकास्न तथा आत्मनिर्मर बनाउन विभिन्न अभियान चलाइरहेका अपन मिथिला सेवा समाजले यहाँका महिलाहरुलाई तीन महिने सिलाई कटाई सम्बन्धि प्रशिक्षण दिनेछ । सञ्चालन गरिएको तालिममा ३० जना महिला सहभागी रहेको अमिसेसका अध्यक्ष मंसाराम यादवले जानकारी दिए ।

सिलाई कटाई सम्बन्धि सीपमूलक तालिमको माध्यमबाट स्वरोजगार सृजना हुने र आर्थिक रुपमा समाजलाई सशक्त बनाउने संस्थाको विश्वास रहेको छ ।