राज्यकै उत्पीडन र विभेदले थारु समुदाय पछाडी : मुख्यमन्त्री राउत

न्यूज ब्यूरो, सप्तरी । प्रदेश २ का मुख्यमन्त्री मो. लालबाबु राउतले राज्यकै उत्पीडन र विभेदका कारण मधेशका थारु समुदाय पछाडी परेको बताउनुभएको छ ।

थारु समुदायको उत्थानको लागि प्रदेश सरकार प्रतिवद्ध रहेको बताउँदै उहाँले राज्यको मूलधारमा अझै थारु समुदायलाई ल्याउन नसकेकोप्रति दुःख व्यक्त गर्नुभयो । सप्तरीको शम्भुनाथ नगरपालिका–९ बसबलपुरमा आज आयोजना गरिएको माघी महोत्सव २०७६ को उद्घाटन गर्दै उहाँले भन्नु भयो ,‘ राज्यकै उत्पीडन र विभेदका कारण थारु समूदाय हरेक क्षेत्रमा पछाडी परेको छ’ । पछाडि पारिएका यी समूदायको उत्थानका लागि प्रदेश सरकार प्रतिवद्ध छ ।’

मुख्यमन्त्री राउतले देशको भुमिपुत्र थारु समूदाय रहेपनि राज्यले अझै थारु समूदायलाई उत्पीडन र विभेद गर्दै आएको बताए । उहाँले पछाडि पारिएका समूदायहरुकै हकअधिकार सुनिश्चित गर्नका लागि प्रदेश सरकारले सबै जतिय समुदाय लाई जनसंख्याको आधार मा आरक्षणको ब्यबस्था गरेको बताउनु भयो ।

मुख्यमन्त्री राउतले ‘वेटी बचाउँ, वेटी पढाउँ’ कार्यक्रम अन्तर्गत प्रदेशमा २०७५ माघ १ गते यता जन्मिएका छोरीहरुको एक लाखको बीमा गर्ने कार्य सुरु गरिसकेको हुदा त्यसमा छुटेका छोरी हरुलाई घरमै पुगेर बिमा गर्न भोली माघ २ गते देखी गाउँ गाउँ मा सिबिर सन्चालन हुने भएका त्यसमा सहभागिता जनाई अभियान लाई सफल बनाई दिन आग्रह समेत गर्नु भयो ।

थारु कल्याणकारिणी सभा सप्तरि क्षेत्र नड्ड३ क्षेत्रीय समिती का अध्यक्ष सिमृत चौधरीको अध्यक्षतामा आयोजित कार्यक्रममा क्षेत्र नम्वर ३ ९क० का प्रदेश सभा सदस्य मोहम्मद समिम , समाजवादी पार्टी का केन्द्रिय सदस्य बिनोद चौधरी , अशोक यादव सहितको बक्ताहरुले शुभकामना मन्तव्य राख्नु भएको थियो ।

दुई दिन सम्म चल्ने उक्त महोत्सवमा थारु संस्कृति झल्किने परम्परागत भेष–भुषा, कलाका साथै थारु परिकार समेत राखिएको छ ।