जनकपुरकी ११ वर्षिय नम्रतामा “योग शक्ति” (भिडियो सहित)

न्यूज ब्यूरो, जनकपुरधाम । धनुषा जनकपुरकी एक बालिकामा योगकै कारण स्मरण शक्ति बलियो भएको पाईएको छ ।

धनुषाको औरही गाउँपालिकाको टिल्ही बस्ने ११ वर्षिय नम्रता यादवमा स्मरणको बलियो शक्ती देखिएको छ । तपाई हामीलाई अर्थात एक साधारण मान्छेलाई कुनै कुरा याद गर्न कठिनाई भएको बेला नम्रताले १ मिनेटमा जटिलभन्दा जटिल कुरा याद गर्न सक्छिन् ।

वि.सं. २०६५ साल बैशखा ३ मा जन्मेकी नम्रता अहिले कक्षा ८ मा अध्ययनरत छिन भने उनी अहिलेदेखि नै कक्षा १० देखि ११ कक्षासम्मको कोर्सको बारेमा बलियो जानकार छिन् । नम्रता अहिलेदेखि नै कक्षा १० को गणित, ऐच्छिक गणित, विज्ञानको सबै सुत्र स्मरण गर्न सकेकी छिन् ।

कक्षा १० सम्मको गण्ति र विज्ञानको जस्तो सुकै प्रश्नको जवाफ उनी सजिलैसँग दिन सक्षम छिन् । असाधारण स्मरण शक्ति भएकी धनुषाकी नम्रताले दैनिक योग गरेर स्मरण शक्ति बढाएको बताएकी छन् । न्यूज ब्यूरोसँगको वार्तालापमा नम्रताले दैनिक ३० मिनेट योग, ध्यान गरेर स्मरण शक्ति बढाएको बताउँछिन् ।

“म दिनहुँ जसो ३० मिनेट ध्यान गर्छु, मेरिटेशन गर्छु, र ३० मिनेटसम्म आफूलाई कन्सन्ट्रेशन गरेर राख्छु । अन्तरध्यानले जस्तोसुकै कुराको स्मरण क्षणमै गर्न सकेको छु । गणित, विज्ञानको जस्तो सुकै फर्मूला वा कुनै वस्तु एउटा घरमा राखिएको छ भने त्यस सबै वस्तुको अर्डर अनुसार आँखा बन्द गरेर भन्न सक्छु ।”– उनले भनिन् ।

युटुबमा भिडियोको मार्फत नेपालको मेमोरि किँग भनेर चिनिने अर्पण शर्माबाट प्रेरित भएको बताउँदै उनले जस्तोसुकै कुरा तुरुन्तै स्मरण गर्न सकिने भएकी छन् । जस्तोसुकै वस्तुलाई एक पटक हेरेपछि अर्डर वा रेन्डम अनुसार राखेपछि सजिलोसँग भन्न सकिने भएकी छन् ।

उनले भनिन्–“कुनै सपिँग मल, भाटभटेनी जस्ता सुपर मलमा जाँदा मान्छेलाई कुन वस्तु कहाँ राखिएको छ भनेर खोज्नुपर्ने हुन्छ , यहाँसम्म की त्यसमा कार्यरत कर्मचारीहरुलाई पनि राम्ररी सबै वस्तुको बारेमा थाहा हुँदैन, तर म एकपटक मलमा गएपछि कुन वस्तु, कुन प्रकारको वस्तु कहाँ र कति नम्बर स्टोरमा राखिएको छ भन्न सक्छु घरबाटै ।"

किताबी ज्ञानको सन्दर्भमा सोध्दा नम्रताले विज्ञानको १०० एलिमेन्टको नाम १ मिनेटमा भन्न सकिन्छे । १०० एलिमेन्ट एक साधारण विद्यार्थीलाई स्मरण राख्न गाह्रो हुन सक्छ । त्यस्तोमा नम्रताले ६० सेकेण्डमा सबै एलिमेन्टको नाम क्रमानुसार भन्न सक्छिन् ।

जस्तोसुकै २० देखि २५ वटा शब्दहरु राखेर उनलाई एक मिनेट देखाएपछि क्रमानुसार वा क्रम बिगारेर सोधेपनि कति नम्बरमा कुन शब्द रहेको छ भनेर भन्न सक्छिन् । र त्यो शब्दको बारेमा जति बेला वा कति दिनपछि सोधेपनि उनले भन्न सक्छिन् ।

स्कूल बाहेक घरमा दैनिक ५ घण्टा मात्र अध्ययन गरी नम्रताले अहिलेसम्म कक्षा ८ को कोर्ष २ पटक रिभिजन गरिसकेकी छन् भने कक्षा ९ र १० को किताबी कोर्ष समेत बनाउन सक्छिन् । यहाँसम्म की कक्षा ११ को गणितीय हिसाबहरु समेत बनाउन सक्छिन् ।

नम्रताको विद्यालयमा उनलाई सबै जनाले “मेमोरी क्वीन” भनेर बोलाउँछन् । नम्रताकी वुवा पुण्य प्रसाद यादवले समेत उनलाई ध्यानको लागि प्रेरित गरेको बताउनुभयो । ध्यान र योगबाट विकार शक्तिको विलय हुने तथा साकारात्मक शक्ति सहित स्मरण शक्तिको समेत विकास हुने भएकोले योग ध्यानमा केन्द्रीत गरेको बताउनुभयो ।