घर धनीले लगाए गाउँपालिका कार्यालयमा ताला

न्यूज ब्युरो, महोत्तरी । महोत्तरी जिल्लाको सम्सी गाउँपालिकामा भाडा नतिरेपछि घर धनिले नै ताला लगाएका छन् ।

विगत ६ महिनाको घरभाडा बाकी रहेको भन्दै घर धनी राम भरत रायले सम्सी गाउँपालिकाको कार्यालयमा तालाबन्दी गरेको छ। गाउँपालिका कार्यालयले गर्नु पर्ने घरभाडाको सम्झौता र बाँकी रहेको घरभाडा नदिए सम्म तालाबन्दी यथाबत रहने जनाएको छ ।

यस्तै, गाउँपालिका अन्तर्गतको विद्यालयका शिक्षकहरुले समेत विगत ८ महिना देखि तलब नपाएको भन्दै गाउँपलिका कार्यालयको अगडी धर्नामा बसे । नेपाल शिक्षक महासंघ सम्सी गाउँपालिका कार्य समितीको अगुवाइमा गरिएको धार्ना कार्यक्रममा गाउँपालिका भित्रका सम्पुर्ण शिक्षक शिक्षिका, बालबिकास र कार्यालय सहयोगीहरु धर्ना बसेको जनाइएको छ ।

“गाउँपालिका कार्यालयले आ व २०७६ को पहिलो चौमासिक, दशै भता र दोस्रो चौमासिक गरि आठ महिनाको तलब भता दिएको छैन, बारम्बार तलब भताको लागि गाउपालिका प्रमुख लाई तगेदा गर्दा पनी केही नसुनेको कारन हामी जिल्ला प्रशासन कार्यालयमा समेत डेलिगेसन गएका थिए तर अहिले सम्म तलब भता निकासा न भएको ले हामी बाध्य भएर धर्नामा बस्नु परेको छ ।” – नेपाल शिक्षक महासंघ सम्सी गाउँपालिकाका अध्यक्ष राम बाबु यादवले भने ।

सम्सि गाउपालिकाका शिक्षा संयोजकको अनुसार बर्तमान सरकारले तलब भता लाई परिषद र योजना संग जोडदिएको कारण परिषद नभएपछी कर्मचारीको तलब भता निकासा नहुने भएर परीषद भएपनी तलब भताको निकासा अडकिएको बताउनुभयो ।