प्रदेश २ : नेकपा–राजपा र कांग्रेस–समाजवादीको उम्मेदवारी दर्ता

न्यूज ब्यूरो, जनकपुरधाम । प्रदेश २ मा राष्ट्रिय सभा चुनावको लागि उम्मेदवारहरुले उम्मेदवारी दर्ता गराएका छन् ।

राष्ट्रियसभाको खाली भएको चार सीटका लागि नेपाल कम्युनिष्ट पार्टी नेकपा र राष्ट्रिय जनता पार्टी नेपालले संयुक्तरुपमा उम्मेदवारी दर्ता गराएका छन् । यस्तै, नेपाली काँग्रेस र समाजवादी पार्टीले पनि उम्मेदवारी दर्ता गराएका छन् ।

उम्मेदवारहरुले आइतबार जुलुससहित निर्वाचन कार्यलय पुगेर उम्मेदवारी दिएका हुन् । उम्मेदवारी दर्ता गराउन अघि नेकपा र राजपा तथा कांग्रेस र समाजवादीका नेता कार्यकर्ताहरु संयुक्तरुपमा जुलुश प्रदर्शन गरे ।

प्रदेश २ मा नेकपा राजपा गठबन्धनबाट नेकपाका तुलसा दाहाल र राधेश्याम पासवानले उम्मेदवारी दिएका छन् भने राजपाबाट मृगेन्द्रसिंह यादव र शेखरसिंहले उम्मेदवारी दिएका छन् । यस्तै, काँग्रेस–समाजवादी गठबन्धनका तर्फबाट काँग्रेसका नगिना यादव र भोला पञ्जियार तथा सपाबाट रामप्रित पासवान र अनिरुद्रसिंहप्रसाद सिंह यादवले उम्मेदवारी दर्ता गराएका छन् ।