मुक्तिनाथ बैंकको वार्षिकोत्सवमा जनकपुरमा रक्तदान

न्यूज ब्यूरो, जनकपुरधाम । केही समयमै सफलताको भरयाँग चढेका एवम् बैंकिँग क्षेत्रमा फडको हानेका मुक्तिनाथ विकास बैंकको वार्षिकोत्सव अवसरमा रक्तदान कार्यक्रम गरेको छ ।

मुक्तिनाथ विकास बैंकको जनकपुर शाखाले शनिबार जनकपुरमा रक्तदान गरेको कार्यक्रम सम्पन्न गरेको हो । तराई मधेशमा बढदै गएको शितलहर तथा चिसोका कारण स्थानीय स्वास्थ्य सँस्थाहरुमा विरामीको चाप सहित ब्लड बैंकमा समेत रक्तको कमी भएको भन्दै रक्तदान कार्यक्रम गरिएको हो । रक्तदान जीवनदान मूल नारा सहित बैंकले आफ्नो १४ औं वार्षिकोत्सवको अवसरमा रक्तदान गरेको बैंकका क्षेत्रिय प्रबन्धक प्रभाष झाले जानकारी दिनुभयो ।

झाका अनुसार, जनकपुर क्षेत्रमा घर घरमा सेवा पुरयाउने लक्ष्य लिएको मुक्तिनाथ विकास बैंकले आम नागरिकको स्वास्थ्यसँग जोडिएको सम्वेदनशिल क्षेत्रलाई मध्यनजर गर्दै वृहत रुपमा रक्तदान कार्यक्रम गरेको हो । सो रक्तदान कार्यक्रममा ५ दर्जनभन्दा बढी व्यक्तिहरुले रक्तदान गरेका हुन् । रक्तको कमीकै कारण कैयौं जनाले ज्यान गुमाउनु परेको बताउँदै प्रबन्ध झाले सोही अवस्थालाई निरुत्साहित पार्न तथा रक्तको कारण कसैको ज्यान नजाओस भन्ने उदेश्यले रक्तदान आयोजना गरेको औल्याउनुभयो ।

मुक्तिनाथ विकास बैंकले १३ औँ वर्ष पार गरी १४ औँ वर्षमा प्रवेश गरेको उपलक्ष्यमा संचालन गरेको रक्तदान कार्यक्रममा ६७ जनाले रक्तदान गरेको जनाइएको छ । बैंकका कर्मचारी तथा आम सर्वसाधारणहरुले समेत रक्तदान गरेका हुन् । नेपाल रेडक्रस सोसाईटी धनुषाको सहयोगमा जनकपुरको जनकचोक जनक मन्दिरको प्राँगनमा रक्तदान कार्यक्रम गरेको हो ।

जनकपुरको व्यावसायिक क्षेत्रलाई समेत डिजिटलाईज गर्दै गाउँ स्तरसम्म जनताको घर घरमा गएर सेवा पुरयाइरहँदा मुक्तिनाथ विकास बैंक तर्फ आम नागरिकको आकर्षण बढेको देखिएको छ । सो कार्यक्रममा रक्तदाताहरुलाई रक्तदाताको प्रशंसाको प्रमाणपत्र समेत प्रदान गरिएको थियो ।