धनुषामा एकैपटक ६ परालको कून्यू (पराल टाल) मा आगलगी

न्यूज ब्यूरो, जनकपुरधाम । धनुषामा एकैपटक ६ वटा परालको कून्यू (टाल) मा आगलगी हुँदा करिब १ लाख बराबरको क्षति भएको छ ।

धनुषाको सबैला नगरपालिका वडा नम्बर ७ मटहिमा परालको टालमा आगलगी हुँदा ६ परालको टाल (कून्यू) जलेर नष्ट भएको छ । धनुषाको सबैला नगरपालिका अन्तर्गत पर्ने वडा नम्बर ७ मटहिमा विहिबार दिउँसो परालबाट आगलागी भएपछि अन्य ५ वटामा सल्केको जनाइएको छ ।

स्थानीय मटहि निवास रामदेव पण्डितको घर अगाडि रहेको परालको टालबाट आगो निस्केर बाँकीमा आगलगी भएको जनाइएको छ । रामदेव पण्डितले परालमा कसले आगो कसले वा कसरी भयो भनेर अनुसन्धान भईरहेको छ ।

आगोलाई स्थानीयहरुको सहियोगमा नियन्त्रणमा लिएका थिए। तत्कालै आगो नियन्त्रण भए पछि ठूलो क्षति हुनबाट जोगिएको स्थानीयवासिको भनाइ छ।आगो लागि जानमालको क्षति नभएको जनाइएको छ । यता, वडा अध्यक्ष रामदेव सहनीले नगरपालिको विपद व्यवस्थापन समितिबाट क्षतिपूर्तिको प्रस्ताव राख्ने बताउनुभएको छ ।