विपन्न बालबालिकालाई स्कूल पुगेर मुक्तीनाथ बैंकको न्यानो स्वेटर

न्यूज ब्यूरो, जनकपुरधाम । तराई मधेशमा बढदै गएको शितलहर र चिसोसँगै विपन्न परिवारलाई समस्या भएको छ ।

यसैबीच मुक्तिनाथ विकास बैंक जनकपुर शाखाले समुदायिक विद्यालयका बालबच्चाहरुलाई न्यानो कपडा वितरण गरेको छ । मुक्तिनाथ विकास बैंक जनकपुर शाखाले धनुषाको बसहिया स्थित रहेको गोगल प्रसाद नमुना उच्च माध्यमिक विद्यालयका विपन्न समुदायका बालबालिकाहरुलाई न्यानो स्वेटर वितरण गरेको हो ।

विद्यालयका ३० बालबालिकाहरुलाई मुक्तिनाथ विकास बैंकका क्षेत्रीय प्रबन्धक प्रभास झा र मुक्तिनाथ लघुवित्तका जनकपुर शाखा प्रमुख दिनेश निरौलाको अगुवाईमा न्यानो स्वेटर वितरण गरिएको हो । जाडोको मौसममा कपडाकै अभावमा विद्यालयसम्मको पहुँच नटुटोस भन्ने उदेश्यले उनीहरुलाई न्यानो कपडा वितरण गरिएको हो ।

स्थानीय वडाध्यक्ष, सर्वसाधारण, विद्यालयका शिक्षक शिक्षिका, कर्मचारी, बैंकका कर्मचारीहरुको रोहबरमा ३० जना विपन्न वर्गका बालबालिकाहरुलाई स्वेटर प्रदान गरिएको हो ।