रौतहटमा २ जनाको लास फेला

न्यूज ब्यूरो, रौतहट । रौतहटको चन्द्रनिगाहपुरमा पहिचान नखुलेको दुइजनाको शव फेला परेको छ । चन्द्रनिगाहपुरको मुनलाईट स्कुल अगाडि एकजनाको र बजारमा अर्को एकको सब फेला परेको हो।

चन्द्रनिगाहपुरको तल्लो बजारमा सवारी साधनले ठक्कर दिएको अवस्थामा ३०/३२ वर्षको पुरुषको शव फेला परेको र मागी खाने जस्तो हुलिया देखिने मान्छेको शव मुनलाइट स्कुल अगाडि फेला परेको रौतहट प्रहरीले जानकारी दिएको छ ।

ईलाका प्रहरी कार्यालय चन्द्रनिगाहपुरका डिएसपी कबित कटुवाललेदुवै जनाको शव चन्द्रनिगाहपुर स्थित सरकारी अस्पतालमा राखिएको बताए ।