धनुषामा मोसा र साइकल ठोक्किदा एक गम्भिर

न्यूज ब्यूरो, जनकपुरधाम । धनुषामा मोटरसाईकल र साईकल एक आपसमा जुध्दा एक जना गम्भिर घाईते भएका छन् ।

धनुषाको औरही गाउँपालिका वडा नम्बर १ स्थित पौडेश्वर र झिटकोहिया सडक खण्डमा आज (मँगलबार) साझ करिब ७ बजेतर्फ मोटरसाइकल र साइकल एक आपसमा ठोकिदा मोटरसाइकल चालक गम्भीर घाइते भएका हुन् ।

घाइते हुनेमा ज ८ प ९४६१ नम्बरको मोटरसाइकल चालक जनकपुर उपमहानगरपालिका वडा नम्बर १७ तेतरिया निवासी संजित साह रहेका छन् भने साइकल चालकको अव्यवस्था सामान्य रहेको दुर्घटना स्थलमा पुगेका शस्त्र बेस क्याम्प बालगंगाका प्रहरी निरीक्षक नरेन्द्र सिंह धामीले जानकारी दिएका छन् ।

साइकलमा सवार हँसपुर नगरपालिका वडा नम्बर ९ मोरहाका राम धारी मंडल रहेका छन् उनी दुबै जना जनकपुरबाट आइरहेका थिए । मोटरसाइकल चालकको अवस्था गम्भीर रहेकाले उनलाई उपचारको लागि जनकपुर प्रादेशिक अस्पतालमा पठाइएको शस्त्र प्रहरी निरीक्षक नरेन्द्र सिंहले जनाए ।

मोटरसाइकल चालक उनी आफ्ना ससुराली सहिद नगरपालिका वडा नं. ५ पचहर्वा गइरहेका थिए भने साइकल चालक जनकपुरबाट घर फर्किरहेका थिए । अहिले सहिद पथमा सडक निर्माणको कार्य जारी रहेकोले बाटोमा जताततै गिट्टी भएकाले दैनिकी रुपमा तीव्र गतिका कारण स– साना दुर्घटना भैरहेको प्रत्यक्षदर्शीहरुले गुनासो पोखेका छन् । उनीहरुले सडकका ठेकेदारले खासै चासो नदिएको कारण तीव्र रुपमा काम हुन नसक्दा यस्ता घटनाहरु भईरहेको बताएका छन् ।