धनुषामा बच्चा बोकेको स्कूल बस दुर्घटना !

न्यूज ब्यूरो, धनुषा । धनुषामा कलिला बच्चाहरु बोकेको एक बोर्डिङग स्कूलको स्कूल बस दुर्घटना हुँदा ९ जना स्कूले विद्यार्थी (बच्चा) घाईते भएका छन् ।

धनुषाको गणेशमान चारनाथ नारपालिका वडा नं. १ मा अवस्थित नवशान्ति विद्या आश्रम ईंग्लिश बोर्डिङ स्कूलको ना १ ख ९२४९ नम्बरको बस अनियन्त्रित भएर दुर्घटनामा परेको हो । दुर्घटनामा बसका चालकसहित ८ जना विद्यार्थी घाइते भएका हुन् ।

घाइते ९ जनामध्ये १ जना विद्यार्थीको खुट्टा भाँचिएको छ । उनलाई स्थानीय अस्पतालमा प्राथमिक उपचारपछि जनकपुरस्थित जानकी हेल्थ केयरमा रिफर गरिएको छ । उनलाई खुट्टामा अलिक बढी चोट लागेका कारण जनकपुर पठाइएको छ भने अवस्था खतरामुक्त रहेको छ ।

घाईते हुनेहरुमा अन्दाजी बर्ष १४ का सरोज यादव, अन्दाजी बर्ष ५ का राज कुमार मुखिया, बर्ष ७ का सुकेश मुखिया, वर्ष ११ का रोहित यादव, बर्ष ९ का शुभम मण्डल, अमोद कुमार यादव, रवि शंकर यादव, नेहा कुमारी यादव र अमन कुमार यादव रहेको छ ।

उनीहरुको धनुषाको विभिन्न अस्पतालमा उपचार भईरुहेको जनाइएको छ । तीव्र गतिमा रहेको कारण गाडी दुर्घटना हुँदा चालक समेत घाईते भएका हुन् । उनको उपचार भने गोदार स्थित अस्पतालमा उपचार भईरहेको छ।

बाँकी घाइते विद्यार्थीहरुको स्थानीय अस्पतालमा उपचार भइरहेको छ । दुर्घटनामा सामान्य घाइते बस चालकलाई स्थानीय अस्पतालमा उपचारपछि स्थानीय प्रहरी चौकीमा नियन्त्रणमा राखिएको ईलाका प्रहरी कार्यलय ढल्केवरको प्रहरी निरीक्षक रामकुमार यादवले जानकारी दिए ।