विवाहपञ्चमीमा प्रहरीको कडा निगरानी,  १३ पकेटमार पक्राउ

न्यूज ब्यूरो, जनकपुरधाम । विवाहपञ्चमी महोत्सवमा आएका यात्रीको गोजी काट्ने (प्याकेटमार) १३ जनालाई प्रहरीले पक्राउ गरेको छ ।

रामजानकी विवाह महोत्सव (विवाहपञ्चमी) मा मेला भर्न बाहिरबाट आएका यात्रुहरुलाई भीडको मौका छोपी पाकेटमारी गर्ने १३ जनालाई प्रहरीले पक्राउ गरेको हो । विवाहपञ्चमीमा कडा निगरानी राखेका शसस्त्र प्रहरी धनुषाले उनीहरुलाई विभिन्न ठाउँबाट पक्राउ गरेको हो । रँगभूमि मैदान, जानकी मन्दिर क्षेत्रबाट उनीहरुलाई पकेटमारीको आरोपमा पक्राउ गरी जिल्ला प्रहरी कार्यालय धनुषालाई बुझाएको हो ।

धनुषाका सशस्त्र प्रहरी उपरीक्षक (एसपी) राजेश उप्रेतीका अनुसार उनीहरुलाई विहान ९ बजे पक्राउ गरिएको हो । भीडभाडलाई मौका बनाएर गोजी लुटने, यात्रीहरुको रकम चोर्ने जस्ता क्रियाकलापमा सँलग्न आरोपमा उनीहरुलाई पक्राउ गरी जनपद प्रहरीलाई बुझाएको हो । पक्राउ पर्नेहरुमा महिलाहरु रहेकी छन् ।

केही बेरमा जिल्ला प्रहरी कार्यालय धनुषाले उनीहरुलाई सार्वजनिक गर्ने बताइएको छ । पक्राउ परेकाहरु भारतकी रहेको बताइएको छ ।